Навіны

«Малочны свет» далучыць да сябе Шчучынскі масласырзавод і Дзятлаўскі сыраробны завод

У канцы красавіка гродзенскі «Малочны свет» абвясціў аб аб’яднанні шляхам далучэння Шчучынскага масласырзавода і Дзятлаўскага сыраробнага завода. У 2012 годзе да Шчучынскім МСЗ адышлі «Слонімскія малочныя прадукты», піша t*t.by. «Малочная кампанія «Наваградскія дары» далучыцца да «Лідскага малочна-кансервавага камбінату».

Магутнасць перапрацоўкі «Малочнага свету» складае 260 тыс. тон малака на год, Шчучынскага МСЗ — 164 тыс. тон, Дзятлаўскага сырзавода — 43 тыс. тон. Такім чынам, у выніку зліцця заводаў агульны аб’ём перапрацоўкі малака аб’яднанай кампаніі перавысіць 460 тыс. тон.

У мінулым годзе Шчучынскі МСЗ нарасціў выручку да амаль 140 млн рублёў. Пры гэтым атрымаў чыстую страту ў памеры 9,8 мільёнаў рублёў. Даўгі кампаніі складалі каля 60 млн рублёў.

Даход Дзятлаўскага сырзавода склаў 44,5 млн рублёў, чысты прыбытак — амаль 1,5 млн рублёў. Пазыковая нагрузка перавышае 21 млн рублёў.

Справы ў «Малочным свеце» ідуць значна лепш. Па выніках 2018 года кампанія павялічыла выручку да 268 млн рублёў. Пры гэтым чысты прыбытак абваліўся з 40 да 21,8 млн рублёў. Доўгатэрміновыя абавязацельствы кампаніі на канец мінулага года складалі 5,6 млн рублёў, кароткатэрміновыя — 20 млн рублёў.

Яшчэ адно буйное аб’яднанне звязана з далучэннем «Малочнай кампаніі «Навуградскія дары» да «Лідскага малочна-кансервавага камбінату». Раней у структуру Лідскага МКК ўжо ўвайшлі Ашмянскі сыраробны завод і Смаргонскія малочныя прадукты. Зараз магутнасці лідскага прадпрыемства дазваляюць перапрацоўваць да 400 тыс. тон малака на год. «Малочная кампанія «Наваградскія дары» можа перапрацоўваць каля 135 тыс. тон сыравіны. У выніку магутнасці аб’яднанай кампаніі перавысяць 530 тыс. тон.

За 2018 год выручка Лідскага МКК склала 253,5 млн рублёў, што на амаль 30 млн рублёў менш, чым у 2017 годзе. Кампанія зафіксавала чыстыя страты ў памеры 5,8 млн рублёў (на год раней быў прыбытак 25,1 млн рублёў). Пазыковая нагрузка складала каля 90 млн рублёў.

Выручка «Навагрудскі дароў» знізілася са 122 да 111 млн рублёў. Кампанія паказала чыстую страту ў раёне 9 млн рублёў. Яе пазыкі перавышалі 53 млн рублёў.

Варта звярнуць увагу, што ва ўсіх пяці прадпрыемствах доля дзяржавы перавышае 70% і яны размяшчаюцца ў Гродзенскай вобласці. Іх курыруе дзяржхолдынг «Гроднамясамалпрам». У хуткім часе пад яго кіраваннем застануцца тры буйныя малакаперапрацоўчыя адзінкі. Акрамя вышэйпералічаных гэта яшчэ і ваўкавыскі «Беллакт».

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025