У сувязі з правядзеннем лёгкаатлетычнай эстафеты на прызы газеты “Гродзенская праўда” ў цэнтры Гродна сёння будзе абмежаваны рух, паведамляе ДАІ Гродна.
Планаваны час старту спаборніцтваў – 15.00. Спартсмены прабягуць ад плошчы Тызенгаўза, далей па вуліцах Сацыялістычнай, Свярдлова, Будзённага, Ажэшкі, Дзяржынскага, Астроўскага, Горкага – фініш на плошчы Тызенгаўза (на карце своеасаблівая 8-ка).
Па маршруце эстафеты паэтапна на кароткі час будзе выключаны рух усіх відаў механічнага транспарту. Планаваны час заканчэння – 16.00.
