«Тым, хто паспеў кіпіць білеты, пазітыўнага зараду хопіць надоўга», — абяцае галоўны рэжысёр тэатра Алег Жугжда напярэдадні прэм’еры «Бразільскай цёткі». Спектакль па п’есе Брэндана Томаса пакажуць гродзенцам 30 красавіка. Дарэчы, сюжэт п’есы з XIX стагоддзя многія пазнаюць з першых рэплік, калі глядзелі фільм «Здравствуйте, я ваша тётя!». На сцене адбудзецца фарс з пераапрананнямі і тыповая камедыя становішчаў, перанесеная ў «прыгожае заходняе жыццё» і эстэтыку 60-х.
Алег Жужгда расказвае, што перад пастаноўкаў пераглядзеў шмат спектаўляў па гэтай п’есе і ўпэўніўся — яе гумар не страчвае з часам актуальнасці. «Ведаеце, на ўзроўні тэксту іграе ўсё. Зал увесь час смяецца.» Каб і гродзенскія гледачы засталіся задаволенымі, у пастаноўку"Цёткі" дадалі адметнасцяў. Напрыклад, дон Пэдро прадстане прад публікай у выглядзе Кінг-Конга, які іграе ў футбол пад нумарам 10, як Пеле. «Паспрабавалі знайсці іншыя нюансы, іншыя сэнсы, іншы час. Сыграць у іншых дэкарацыях і па-новаму».
Лёгкая і бяскрыўдная камедыя мае разнастаіць сур’ёзна драматычны рэпертуар тэатра лялек і «не будзе пудрыць мазгі філасофіяй». Меркаваннем Алега Жугжды, часам гледача трэба проста пазабаўляць і не абцяжарваць складанымі падтэкстамі.
Галоўную ролю ў спектаклі выконвае Васіль Прабадзяк. Яго донна Люсія лётае па сцэне на высокіх абцасах і ў леапардавай сукенцы, скараючы экспрэсіяй герояў і гледачоў. Для актора гэта роля, зусім не простая і мае шмат небачных для гледача падводных камянёў, кажа Жугжда. «Гэта роля „на злом“, на супраціў. [трэба] Вытрымаць прыстойнасць і каб гэта было суадносна неабходнасці і абставінам… Але Васіль, ён, усё-такі - комік.»
