Заслужаны трэнер СССР, які выхаваў алімпійскіх чэмпіёнак па спартыўнай гімнастыцы, ганаровы грамадзянін горада Рэнальд Кныш памёр у Гродне ноччу 19 красавіка на 87 годзе жыцця.
За час сваёй трэнерскай дзейнасці Кныш падрыхтаваў чэмпіёнку СССР Тамару Аляксееву, дзвюх алімпійскіх чэмпіёнак Алену Валчэцкую і Вольгу Корбут. Апошняя ў канцы 90-х напісала кнігу, у якой распавяла пра сэксуальныя дамаганні свайго трэнера падчас гульняў у Мюнхене. Рэнальд Кныш называў гэта паклёпам.
З 1953 года Кныш працаваў трэнерам у Гродзенскай дзіцячай спартыўнай школе № 3 у секцыі спартыўнай гімнастыкі. За час працы ён вынайшаў каля 30 новых элементаў у спартыўнай гімнастыцы, за што быў удастоены ганаровага звання «Заслужаны трэнер СССР» у 1964 годзе (званне заслужанага трэнера БССР атрымаў два гады раней). Пасля Алімпіяды 1972 года ў складзе савецкай дэлегацыі сустракаўся з прэзідэнтам ЗША Рычардам Ніксанам.
У 1972 году Кныш стаў Ганаровым грамадзянінам горада Гродна. У 1974 годзе атрымаў званне «Заслужаны дзеяч фізічнай культуры БССР». Пасля Алімпійскіх гульняў 1980 года і канфлікту з Вольгай Корбут быў вымушаны пакінуць спорт.
Жыў у Мінеральных Водах, Таліне, Калінінградзе. У 1989 годзе ён вярнуўся ў Гродна і жыў там да апошніх дзён. Пісаў вершы і мемуары, а таксама рыхтаваў дапаможнікі для спартсменаў.
Рэдакцыя Hrodna.life выказвае свае спачуванні родным і блізкім Рэнальда Кныша.
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…