У базе загарадных дамоў realt.by з’явіўся не самы звычайны аб’ект — у Гродзенскай вобласці на продаж выстаўлена сядзіба Кастравіцкіх. Цяперашнія ўласнікі сядзібнага дома і старажытнага парку гатовыя развітацца з маёнткам у Шчучынскім раёне за суму ў 42 тысячы рублёў, піша агенцтва.
Мяркуючы па прадстаўленых у аб’яве фатаграфіях, былы сядзібны дом Кастравіцкіх мае патрэбу ў рамонце. У будынку, плошча якога складае 528 «квадратаў», адсутнічаюць вокны, дзверы і падлога. Пры гэтым каменны дом можа пахваліцца масіўнымі тоўстымі сценамі, высокімі столямі і добра захаванай сістэмай скляпоў. Дапаўняе карціну атмасферны парк са стогадовымі дрэвамі, сад і пяць сажалак. Усяго ў сваё распараджэнне новы ўладальнік атрымае 530 сотак зямлі. Варта адзначыць, што недалёка ад вёскі праходзіць траса Мінск — Гродна (да Гродна 79 кіламетраў, да Мінска — каля 200), а да бліжэйшага райцэнтра — Шчучына — усяго 17 кіламетраў.
Адарка Шут-Яцэвіч адзначыла, што званкі і пэўная цікавасць да сядзібы ёсць: «Будынкам цікавіліся беларусы, якія хацелі б выкарыстоўваць яго пад уласнае жыллё, гучалі ідэі аб тым, каб адкрыць у сядзібе Дом літаратурнай творчасці, былі званкі нават з Англіі - адзін ангелец задумаўся аб пераездзе ў Беларусь і разглядаў такі дом, як наш. Праўда, да праглядаў справа пакуль не дайшла».
На думку Адарка, сядзіба ў Касцянева ідэальна падыходзіць для развіцця сельскага турызму: «Вядома, ўтрыманне дома і зямлі патрабуе ўвагі і немалых укладанняў, але мы бачым, што такія прыклады ёсць. Магчыма, наш варыянт зацікавіць бізнэсмэна з Беларусі ці Расеі, які задумаўся аб пераездзе ў вёску, хоча жыць на прыродзе і займацца агратурызмам».
Што тычыцца кошту сядзібы, то яе ўладальнікі гатовыя на разумны гандаль. Галоўнае — знайсці чалавека, неабыякавага да гісторыі гэтага месца.
Першымі ўладальнікамі Касцянёва былі прадстаўнікі шляхецкага роду Аляксандровічаў. Да Кастравіцкіх маёнтак патрапіў у 1780-м і належыў ім аж да 1939 года. Паводле падання, на месцы сядзібнага дома калісьці стаяў драўляны палац, які згарэў у час Паўночнай вайны. Той дом, які мы бачым цяпер, Кастравіцкія адбудавалі прыкладна ў 1890 годзе. Відавочцы распавядалі, што ўнутраныя інтэр'еры сядзібы Касцянёва адрозніваліся багатым убраннем. Тут была аўстрыйская мэбля, сервізы нямецкіх, расійскіх і аўстрыйскіх заводаў, сталовы крышталь, незвычайныя гадзіннікі і медныя лямпы. Таксама Кастравіцкія валодалі калекцыяй жывапісу, у якую ўваходзілі копіі фрэсак Сікстынскай капэлы (іх напісала сама Меланія Кастравіцкая).
Ваенна-рэвалюцыйны пачатак XX стагоддзя прывёў да спусташэння сядзібы. У 1930-м годзе на базе маёнтка адкрылася польская школа, з 1939 года навучальная ўстанова стала савецкай. Касцянёўская школа прапрацавала ў сядзібе да 2002 года.
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…
Новыя суддзі з'явіліся ў Гродне і вобласці па ўказе Лукашэнкі. Жыхара Навагрудка судзяць за атрыманне…
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
