Пасажырскі цягнік сутыкнуўся з легкавым аўтамабілем на чыгуначным пераездзе ў Слоніме ў пятніцу, 12 красавіка, піша «Вячэрні Гродна».
Аварыя адбылася каля 10.00 12 красавіка на пераездзе па вуліцы Пушкіна. «Кіроўца легкавушкі з траўмамі шпіталізаваны», — распавялі БЕЛТА ў ДАІ рэгіёну.
Вядома, што склад рухаўся па маршруце Баранавічы — Гродна. У выніку сутыкнення машыну выкінула ў кювет, а кіроўцу легкавушкі заціснула ў салоне аўтамабіля. Каб яго дастаць, спатрэбілася дапамога ратавальнікаў. З рознымі траўмамі мужчыну шпіталізавалі. Падрабязнасці таго, што адбылося, высвятляюцца.
