У адной з былых казармаў на Шчорса плануюць адкрыць ГЦ «Kazzarma Mall». Агульная плошча цэнтра — больш за 3 580 кв. метраў, сярод іншага ў ім размесціцца прадуктовая крама «Белмаркет» агульнай плошчай каля тысячы кв. метраў.
У двухпавярховым шматфункцыянальным будынку плануюцца офісы, кафэ, аптэка і цырульня. Усяго пад арэнду прапануюць 28 памяшканняў ад 12 да 145 м.кв. з магчымасцю аб’яднання. Цокальны паверх ўласнік прапануе пад кафэ або бар.
У будучым ГЦ «Kazzarma Mall» на Шчорса адкрыецца «празрыстая» піцэрыя
Гандлёвы цэнтр размесціцца на цэнтральнай вуліцы новага жылога раёна на вул. Шчорса, 11а. У новым раёне вялікая колькасць шматкватэрных дамоў, развітая транспартная інфраструктура і няма прадуктовых крамаў.
Дзве казармы на месцы былога ваеннага гарадка на вуліцах Шчорса і Пралетарская доўгі час пуставалі. У верасні 2017 года іх купілі за адну базавую дзве прыватныя кампаніі.
