Velcom гатовы развіваць сеткі 4G і 5G у рэгіёнах Беларусі

За 10 гадоў кампанія velcom інвеставала ў Беларусь больш за 670 млн еўра. Холдынг А1 Telekom Austria Group, даччынай кампаніяй якога з’яўляецца беларускі аператар, гатовы і далей развіваць інфраструктуру сувязі, распавёў Томас Арнольдэр, гендырэктар аўстрыйскага холдынгу.

Томас Арнольдер быў членам аўстрыйскай дэлегацыі, якая наведала Мінск 28−29 сакавіка. Падчас візіту прайшла ў тым ліку сустрэча Прэзідэнта Рэспублікі Беларусь Аляксандра Лукашэнкі з Федэральным канцлерам Аўстрыі Себасцьянам Курцам. Лідары дзвюх краін пацвердзілі намер паслядоўна развіваць узаемадзеянне ў пытаннях развіцця сувязі і ІКТ-сектара.

«Я вельмі рады, што значная частка перамоў была нададзена важнай тэме далейшага развіцця ІКТ і інфраструктуры сувязі. Перамовы былі вельмі канструктыўнымі, і я чакаю далейшага іх працягу з мэтай маштабнага разгортвання 4G-інфраструктуры, а ў перспектыве і 5G не толькі ў гарадах, але і ў сельскіх раёнах», — пракаментаваў Арнольднер вынікі сустрэчы.

«Больш за 98% тэрыторыі краіны забяспечана пакрыццём нашай 3G-сеткі, якасць якой, зыходзячы з майго досведу, адна з найбольш высокіх у Еўропе, нягледзячы на ​​адны з самых нізкіх цэнаў на мабільную сувязь. Мы пацвярджаем нашу прыхільнасць і гатоўнасць падтрымліваць далейшае развіццё краіны ў кантэксце тэхналогій 4G і ў перспектыве 5G», — дадаў кіраўнік A1 Telekom Austria Group.

Кампанія velcom стала часткай аўстрыйскага тэлекамунікацыйнага холдынгу ў 2008 годзе. Акрамя інвестыцый, за 10 гадоў velcom таксама заплаціў у бюджэт 820 млн еўра падаткаў і збораў.

Аўстрыя з’яўляецца адным з важных інвестыцыйных партнёраў Беларусі, у тым ліку ў сферы дрэваапрацоўкі, тэлекамунікацый, банкаўскага сектара. Толькі за мінулы год Аўстрыя інвеставала ў Беларусь каля 300 млн долараў ЗША.

Падзяліцца

Апошнія запісы

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025