У вёсцы Багушоўка Гродзенскага раёна зламыснікі вынеслі з дома мясцовага жыхара 28 долараў, дзесяць егіпецкіх фунтаў, навушнікі для мабільнага тэлефона і пнеўматычны пісталет на суму 284 рублі 64 капейкі. Пацярпелы адразу звярнуўся па дапамогу ў праваахоўныя органы, піша «Гродзенская праўда».
У гэты дзень каля дома пацярпелага спыніўся аўтамабіль, у якім знаходзіліся трое невядомых грамадзян. Мужчыны паведамілі, што ў іх пацёк радыятар, і яны папрасілі дапамогі. Пацярпелы дапамог паправіць аўтамабіль. Калі ўсе недахопы былі ліквідаваныя, кампанія стала выпіваць, а пацярпелы пайшоў спаць.
Адзін з мужчын скарыстаўся гэтым, увайшоў у дом і абакраў гаспадара. Пацярпелы запомніў прыкметы падазраваных, а таксама апісаў аўтамабіль. Гродзенскай памежнай групе была перададзеная інфармацыя аб транспартным сродку зламысніка.
Як аказалася, памежнікі ў гэты дзень спынялі гэты аўтамабіль, больш за тое, па іх інфармацыі ён знаходзіцца ў Парэччы побач з санаторыем. Супрацоўнікі крымінальнага вышуку Гродзенскага РАУС разам з вайскоўцамі Гродзенскай памежнай групы выбылі на месца і затрымалі падазраваных.
Падазраюцца трое жыхароў Мінска 1986, 1987 і 1994 гадоў нараджэння. У мужчыны 1986 года нараджэння былі выяўленыя скрадзеныя дваццаць тры долары, дзесяць егіпецкіх фунтаў, навушнікі і пнеўматычны пісталет, пяць скрадзеных долараў ён выдаткаваў. Крымінальная справа ўзбуджаная па частцы другой артыкула 205 Крымінальнага кодэкса Рэспублікі Беларусь — «Крадзеж».
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…