«Беларусьфільм» здыме ў Лідзе гістарычнае кіно

Ля Лідскага замка пачаліся здымкі фантастычнай карціны паводле рамана Людмілы Рублеўскай «Авантуры Пранціша Вырвіча». Працу над стужкай вядзе «Беларусьфільм». Як распавёў «Лідскай газеце» рэжысёр-пастаноўшчык Аляксандр Анісімаў, у Лідзе працэс здымак зойме амаль два тыдні.

— Праца ў асноўным будзе весціся ў вячэрні і начны час, — дадаў Аляксандр Анатольевіч. — Асноўныя дзеянні будуць адбывацца ўнутры замка. Нам тут сімпатычныя другі паверх, аўтэнтычныя рэшткі сцен крэпасці. Вядома, адчуваецца і новабуд: тая жа цэгла, дахі ў вежаў. Іх мы будзем з дапамогай кампутарнай графікі цямніць пад даўніну. Наогул, у Лідскім замку, лічы, будзе праходзіць ўвесь «экшн» карціны: сцэны захопу, у тым ліку і самы сур’ёзны бой (яго здымкі будуць весціся ўначы 4, 5 і 6 красавіка). Вышыня сцен замка дазваляе выконваць трукі, каскадзёрам зручна працаваць. Таксама ў Лідскім замку здымем фінальную сцэну ўсёй карціны.

Фільм «Авантуры Пранціша Вырвіча» — стужка гістарычная, яна перанясе гледачоў у XVIII стагоддзе. У ёй занятыя толькі беларускія акцёры — гэта прынцыповая пазіцыя рэжысёра-пастаноўшчыка Аляксандра Анісімава, які ўпэўнены, што «нашы працуюць ані не горш за расійскіх артыстаў». «Я цалкам перакананы, што гнацца ў кіно за медыйнымі асобамі - справа апошняя. У першую чаргу трэба звяртаць увагу на майстэрства актора, яго жаданне працаваць і імправізаваць на пляцоўцы, быць часткай усяго працэсу», — лічыць Аляксандр Анатольевіч.

Па словах Аляксандра Анісімава, здымаць гістарычнае кіно вельмі складана, бо шмат часу адымаюць касцюміраванне і грым артыстаў - як мінімум палову змены, якая доўжыцца 12 гадзін.

— Тым не менш тое, што Міністэрства культуры нашай краіны, сама кінастудыя зрабілі крок у бок гістарычнага кіно, — вельмі выдатна. Бо здымкі карціны «Авантуры Пранціша Вырвіча» — першыя за апошнія гады на «Беларусьфільме» у гэтым жанры. Нягледзячы на ​​тое што фільм гістарычны, мы з акцёрамі з задавальненнем імправізуем на здымачнай пляцоўцы, дамагаючыся адноснай праўды жыцця. Бо ніхто яшчэ не прыйшоў адтуль і не расказаў, як там было на самой справе. Да таго ж сюжэтная лінія, сама назва рамана Людмілы Рублеўскай — «Авантуры Пранціша Вырвіча» — даюць магчымасць пафантазаваць, зірнуць на той час з пазіцыі сучаснасці, — пракаментаваў рэжысёр-пастаноўшчык.

Акрамя Ліды, пляцоўкамі для здымак фільма стануць Мір, Нясвіж, Гальшаны, Бабруйск. Плануецца, што стужка будзе гатовая да канца снежня 2019 года. Гэта будзе поўнаметражная карціна для пракату і чатырохсерыйны серыял для паказу на тэлебачанні.

Падзяліцца

Апошнія запісы

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025