Пятая гульня паўфінальнай серыі паміж «Нёманам» і «Шахцёрам» скончылася перамогай гродзенцаў - 1:0. Вырашальную шайбу закінуў у авертайме Павел Баярчук. Матч праходзіў у Гродне 28 сакавіка.
Чарговы матч каманды паказалі роўную гульню. Як «Нёман», так і «Шахцёр» добра абараняліся і атакавалі, упэўнена на варотах дзейнічалі галкіперы каманд. Дзякуючы іх працы ў асноўны час матчу ніхто не здолеў вызначыцца. Толькі ў авертайме гродзенцы былі больш актыўныўнымі і дамагліся жаданага выніку. На 70 хвіліне Павел Баярчук забіў вырашальную шайбу ў вароты гасцей, і прынёс гродзенцам важную перамогу.
«Нёман» — «Шахцёр» — 1:0 АВ (0:0, 0:0, 0:0, 1:0)
Шайба: 1:0 — Боярчук (69.05).
Трэцяя запар вікторыя ў паўфінале супраць «Шахцёра» вывела «Нёман» упершыню наперад у серыі - 3:2.
Наступная сустрэча паміж камандамі пройдзе ў Салігорску 30 сакавіка.
