У суботу 23 сакавіка ў Гродне прайшоў 15-ы ІнвестУікенд — дзелавы форум для стартапераў, бізнесменаў і інвестараў. Гэтым разам было прадстаўлена больш за 40 ідэй, якія могуць зрабіць горад лепшым і прынесці стваральніку грошы.
Што такое «бізнес-матрошка» распавёў гасцям ІнвестУікенда аўтар праекта «Street». Ён прапанаваў стварыць у адным з незапатрабаваных прамысловых будынкаў горада бізнес-цэнтр і здаваць там памяшканні ў арэнду стартапам.
Іншы ўдзельнік прапаноўваў праект «QR Ticket» для аплаты праезду ў грамадскім транспарце праз QR код. «Больш ніякай дробязі! Да мабільнага дадатка будзе прывязвацца банкаўская карта, з якой спішуцца сродкі для аплаты». На думку аўтара, гэта зробіць праезд зручнейшым для ўсіх, хто карыстаецца смартфонамі - жыхароў Гродна і асабліва турыстаў.
Зацікавілі экспертаў таксама праекты інтэрактыўных візітовак, хостэла для пакаёвых кветак і нават стварэнні вежы агляду як альтэрнатывы «чортаву» колу.
Стартаперы маглі не толькі ацаніць прапановы калегаў, але і паслухаць дасведчаных бізнесменаў і экспертаў-бізнес-анёлаў.
«Я паспрабую скрыжаваць вожыка з вужыкам і расказаць, як атрымліваць задавальненне ад жыцця і ад таго, што вы робіце, як прадпрымальнік», — звярнуўся да ўдзельнікаў Кірыл Валошын, сузаснавальнік T*T.BY, уладальнік рэстарана і клінінгавай фірмы. На думку эксперта, важна пры пабудове бізнесу не забываць пра сябе, сваё здароўе і сям’ю.
Па выніках мерапрыемства ўзнагароду атрымалі найлепшыя праекты ў намінацыях «Лепшая бізнес-ідэя», «Лепшая ідэя для нашага горада» і «Лепшая каманда/аўтар».
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…