У Гродне пройдзе воркшоп для дзяўчат па кар’ерным руху і запуску бізнесу

15 чэрвеня ў Гродне пройдзе воркшоп па кар’ерным прасоўванні і запуску бізнесу. Удзел бясплатны па папярэдняй рэгістрацыі.

Экспертки ў галінах прадпрымальніцтва, асобаснага развіцця і кар’еры раскажуць, як пратэставаць бізнес-ідэю і што ўлічыць на гэтым этапе; як заяўляць пра сябе і навучыцца супрацьстаяць ўнутранаму крытыку; што адказваць на нязручныя пытанні на сумоўі і як смела гаварыць аб павышэнні.

Воркшоп будзе карысны дзяўчатам, якія хочуць пабудаваць кар’еру або плануюць запуск сваёй справы, а таксама HR-спецыялістам і некамерцыйным арганізацыям, якія працуюць з жанчынамі.

Воркшоп пабудаваны на даследаванні і рэкамендацыях The Behavioural Insights Team. Ініцыятыва «Жанчыны на рынку працы» фінансуецца Пасольствам Вялікабрытаніі ў Мінску і рэалізуецца Праграмай развіцця ААН у Беларусі.

У Гродне пройдзе воркшоп для дзяўчат па кар'ерным руху і запуску бізнесу

Мерапрыемства арганізавана ў партнёрстве з ProWomen By – праектам, створаным для падтрымкі жаночага прадпрымальніцтва ў Беларусі.

Падзея пройдзе ў Бізнес-школе ІПМ (вул. Леніна, 5/2). Дэталёва пазнаёміцца з праграмай воркшопа і зарэгістравацца на мерапрыемства можна на сайце.

Каментары

Spelling error report

The following text will be sent to our editors: