Як паведамілі ў ОУПП «Гродзенская гарадская ЖКГ» «Вечернему Гродно», скульптура была ўсталяваная часова да 890-годдзя Гродна. Цяпер ёй шукаюць новае месца ў горадзе, але куды «пераселіцца» драўляны турыст, пакуль невядома.
«Гродзенская праўда» піша, што ў Гродзенскі гарвыканкам паступала нямала зваротаў неабыякавых гараджан з нагоды гэтай скульптуры, на іх погляд, не адпаведнай гістарычнаму абліччу цэнтра Гродна. Выказваліся пажаданні ўсталяваць на гэтым месцы, часцей іншых наведвальным замежнымі бязвізавымі турыстамі, больш значны ў мастацкім выкананні помнік з выразнай прывязкай да Гродна.
У выканкаме прыслухаліся да меркавання не толькі гараджан, але і гісторыкаў, краязнаўцаў, скульптараў, архітэктараў. Пасля гэтага было прынята рашэнне аб пераносе драўлянай скульптуры.
Цяпер «турыст» дастаўлены на прадпрыемства, дзе яго вырабілі. Спатрэбіцца выканаць невялікі касметычны рамонт, пасля чаго скульптура прапішацца ў маляўнічым скверы на Фолюшы.
Як паведамілі ў гарвыканкаме, тут гатовы разглядаць розныя прапановы і варыянты мастацкіх кампазіцый на гэтым месцы. Безумоўна годных гістарычнага цэнтра Гродна.
Скульптура з’явілася ў верасні мінулага года. Фігура хлопца ў шапцы і з заплечнікам стала прадметам абмеркаванняў. Карыстальнікі інтэрнэту хутка знайшлі брата-блізнюка гродзенскага турыста ў Іркуцку.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…