У Беларусі стартаваў конкурс бармэнаў Lidskae Beer Master 2019. Можна выйграць за 5 000 рублёў

У Беларусі стартуе пяты конкурс прафесійных бармэнаў Lidskae Beer Master, паведамілі арганізатары — кампанія «Лідскае піва» пры падтрымцы школы бартэндынга Splash & Dash.

Мэтай конкурсу з’яўляецца папулярызацыя культуры піцця. У бягучым годзе акцэнт зроблены на творчых здольнасцях барменаў і арыгінальнасці падачы кактэйляў. У складзе кожнага з іх будзе піва «Лідскае Premium». Гатунак для конкурсу быў падабраны невыпадкова: у гэтым годзе спаўняецца 10 гадоў з моманту з’яўлення гэтага піва на беларускім рынку. Дадзены гатунак стаў першым арыгінальным прадуктам, створаным сумеснымі намаганнямі лідскіх півавараў і спецыялістаў фінскага канцэрна Olvi, які стаў стратэгічным інвестарам «Лідскага піва» ў канцы 2008 года.

— Пяты год запар мы праводзім конкурс сярод прафесійных бармэнаў Беларусі. Узровень іх майстэрства пастаянна расце. Тэндэнцыя такая, што бармэн — гэта не проста супрацоўнік установы, які стаіць за барнай стойкай, а харызматычны і крэатыўны чалавек, які ператварае працэс падрыхтоўкі напояў у шоў, — адзначыў галоўны півавар ААТ «Лідскае піва» Алег Малахаў. — Цяпер мы плануем надаць асаблівую ўвагу персоне бармэна, яго здольнасцях да крэатыўнай падачы свайго кактэйлю.

Заяўкі на ўдзел у конкурсе прымаюцца па 25 сакавіка. У адборачным туры конкурсу журы будзе прымаць і ацэньваць рэцэпты аўтарскіх кактэйляў на аснове піва «Лідскае Premium».

Паўфіналістаў чакае вебінар па асновах сэлфбрэндынга і сторытэлінга, пасля чаго атрыманыя парады трэба будзе прымяніць у справе: расказаць аб сваім напоі і падрыхтаваць прэзентацыю.

У фінал пройдуць 15 бармэнаў. Пры выбары фіналістаў журы ацэніць інтэграцыю брэнда, крэатыўны складнік выканання задання, фармат рэалізацыі і прэзентацыю рашэння. Прадстаўляць кактэйлі ў фінале ўдзельнікі будуць экспертам барнай індустрыі, медыйным асобам, кіраўніцтву «Лідскае піва». Журы ацэніць смак кактэйлю, яго назву і арыгінальнасць падачы.

Да першага юбілею конкурсу прызавы фонд павялічаны: цяпер прыз за 1 месца складзе 5 000 рублёў, 2 месца — 3 000 рублёў, 3 месца — 2 000 рублёў.

Рэспубліканскі прафесійны конкурс бармэнаў Lidskae Beer Master праводзіцца кампаніяй «Лідскае піва» з 2015 года. Да ўдзелу ў конкурсе запрашаюцца беларускія бармэны ва ўзросце ад 19 гадоў і з вопытам работы ад 6 месяцаў.

Падзяліцца
Меткі: культура

Апошнія запісы

Нерухомасць тыдня: на Дзевятоўцы прадаюць кватэру з чарапашкамі-ніндзя і аб’ёмнай картай свету на сцяне

На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…

4 красавіка 2025

Лакацыі паводле фільмаў пра вайну, парад і ўзяцце Тэкстыльшчыкаў замест Рэйхстага. Што плануюць у Гродне на 9 траўня?

У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…

4 красавіка 2025

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025