Выстава “Беларуская журналістыка – фокус на спецпраекты» адкрылася 28 лютага ў Press Club Belarus. На выставе можна ўбачыць лепшыя спецпраекты, якія рабілі беларускія медыя ў 2018 годзе. Сярод іх – лонгрыд Hrodna.life “Любімая, каханая, пакінутая. Ці адродзіцца былая веліч каралеўскай рэзідэнцыі ў Панямуні”.
Гэта сумесны праект Hrodna.life і БНБ-Банка пра лёс былой каралеўскай рэзідэнцыі на ўскраіне Гродна.
Таксама на выставе прадстаўлены спецпраекты ад T*T.by, Onliner, Naviny.by, Радыё Свабода, Зялёны партал, CityDog.by, «Еўрарадыё», «Наша Н**а», Kurjer.info, «Культпрасвет», «Брэсцкая газета», Atmasfera.by.
У 2018 годзе на выставе “Фокус на інавацыі” рэдакцыя Hrodna.life узяла адразу два дыпломы: за матэрыялы “Ажэшка посціла б кветачкі, Цётка — акцыі пратэстаў. Беларускія літаратаркі мінулых стагоддзяў «завялі» Instagram” і “З біноклем па старым Гродне. Глядзі дэтальнае фота горада, якім ён быў 150 гадоў таму”.
