Учора каля гадзіны дня пры адпрацоўцы ляснога масіву паблізу вёскі Шчанец супрацоўнікі міліцыі выявілі два самагонныя апараты, а таксама інгрэдыенты для вырабу самагонкі: больш за 9 тысяч літраў брагі і 90 літраў ужо вырабленай вадкасці. Побач знаходзіўся гаспадар міні-вытворчасці - 42-гадовы жыхар Ваўкавыска, піша «Гродзенская праўда».
Завод знаходзіўся ў лясной глушы, у бязлюдным месцы. Выдала мужчыну сырая адмерзлая зямля: сляды ад яго аўтамабіля былі дакладна бачныя. Акрамя таго, гэты лес ужо быў знаёмы праваахоўнікам — год таму побач затрымалі іншага самагоншчыка.
У гэты раз міліцыянты заспелі мужчыну на пачатковым этапе вытворчасці. Ён нядаўна прыехаў, сабраў апараты і толькі ўзяўся за варэнне.
Міліцыянтам грамадзянін растлумачыў, што ўсё рабіў для сябе, аднак аб’ёмы кажуць пра тое, што прадукцыя рэалізоўвалася.
— Зараз самагонныя апараты дэмантаваныя і канфіскаваныя, брага знішчана, у дачыненні да мужчыны праводзіцца праверка, — паведамілі ў прэс-службе УУС рэгіёну.
Дарэчы, раней гэты чалавек ужо прыцягваўся да адказнасці за выраб самагону.
У Гродне выступіць Ілля Шынкарэнка — малады музыка, які набыў папулярнасць дзякуючы свайму беларускамоўнаму TikTok.…
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…
Пасля негалоснай забароны на правядзенне свята ў Беларусі буйныя вечарынкі напярэдадні Дня ўсіх святых амаль…