Сям’я Куваннікавых сем месяцаў вядзе YouTube-канал пад назвай «Весёлая семейка». На канале не плануюць зарабляць, ён стаў хутчэй сямейным відэаархівам і спосабам накіраваць «гаджэтаманію» ў творчае рэчышча. Глядзіце, якія мілыя відэа яны здымаюць!
— Аднойчы сям’ёй мы адправіліся ў лес збіраць смецце. Па ініцыятыве мужа мы часам робім такую сямейную акцыю. Запасліся смеццевымі пакетамі і пальчаткамі і рушылі. Тут наш старэйшы сын Яраслаў дастаў тэлефон, уключыў здымку і пачаў каментаваць ўсё, што адбываецца. Вядома, атрымлівалася ў яго не вельмі, камера трэслася, прамаўляў ён ціха. І тут я падумала: «Чаму б і не? Бо нядрэнную справу робім». Так з’явіўся наш першы маленькі агляд, — кажа Жанна Куваннікава.
www.youtube.com/watch?v=ugM6C8QUUGk&feature=youtu.be
Пазней з’явіліся і новыя відэа, дзе дзеці трэніруюцца, майструюць, гатуюць або гуляюць. Па відэа вы таксама можаце навучыцца разводзіць вогнішча, прыгатаваць халаднік, пірожнае «Бульба», венскае печыва і зрабіць калядны вянок.
— Галоўныя героі - гэта нашы дзеці. Яраслаў (10 гадоў), Анастасія (8 гадоў) і малы Арсень (3 гады), часам і тата Аляксандр выступае сувядучым. Але ў асноўным уся праца бацькоў за кадрам. Яны і аператары, і мантажоры, і трохі рэжысёры, — смяецца Жанна. — Часам цяжка сабраць усіх разам у аб’ектыў. Бо ў кожнага свае захапленні, абавязкі, трэніроўкі.
www.youtube.com/watch?v=BL-QUSYmGKw
Дзякуючы каналу дзеці вучацца творча думаць, працаваць у камандзе, правільна фармуляваць маўленне. Як бонус ёсць добры сямейны відэаархіў, праведзены разам час, і развіццё. «Дачка ў 8 гадоў спакойна можа прыгатаваць многія стравы, а малодшы ў тры гады, як сапраўдны памочнік повара, умее разбіваць яйкі, прамазваць алеем процівень», — усміхаецца Жанна.
— Сучасная захопленасць людзей гаджэтамі мала радуе, аднак, як кажуць: «Калі жыццё падкінула лімон, можна зрабіць з яго ліманад», — кажа маці сямейства.
Асноўныя падпісчыкі - сваякі і сябры. «Гэта не камерцыйны праект і акрамя станоўчых эмоцый мы нічога не атрымліваем. Усе відэа здымаюцца на мамін тэлефон, мантуюцца ў звычайным мабільным дадатку. Пра папулярнасць мы не марым, але калі з’яўляюцца новыя падпісанты, рабяты радуюцца і пачынаюць разважаць, якое новае відэа можна зняць. А новыя ідэі і абмеркавання — гэта заўсёды выдатна!»
www.youtube.com/watch?v=ZLq_6OouulY
— Важнае, што хацелася б захаваць — гэта задавальненне ад працэсу і не ператварыць нашу маленькую справу ў пагоню за лайкамі. Часам, праглядаючы відэа паўгадавой даўніны, мы самі атрымліваем асалоду ад іх і радуемся. Бо дзеці так хутка растуць і мяняюцца, а гэта маленькая магчымасць спыніць імгненне, — кажа маці.
Для обустройства дома существует множество вариантов. Порой, даже мелочь, может сыграть одну из главных ролей в дизайне. Качественная дверная фурнитура — это не только стильно, но также прослужит долгое время благодаря свойствам. Более детально ознакомиться с информацией можно на сайте bitka.com.ua
Сям'я з Ліды эканомна адпачыла ў Катары. Краіна дарагая, а Віталь і Таццяна - простыя…
Для пляжаў Гродна вырабяць 105 інфармацыйных знакаў. На іх будзе напісана, што забаронена купанне, вядзецца…
Чарговую пліту на гродзенскай Алеі кіно адкрылі 6 верасня напярэдадні Дня горада. Алея размяшчаецца на…
Недабудаваны сяміпавярховы будынак на праспекце Індустрыяльным, 12 у Смаргоні збіраюцца знесці. Рашэнне аб зносе прыняў…
Пракурор прапанаваў забараніць на "Гродна Азот" роднасныя сувязі ў супрацоўнікаў, якія знаходзяцца ў падпарадкаванні. Каб…
У Гродне 5 верасня прайшла прэм'ера прапагандысцкага фільма "Культурный код". У "Чырвоную зорку" прыйшлі вучні…