Свята піцы праходзіць у піцэрыі Go-Go Pizza на вуліцы Карла Маркса ў Гродне. З 10:00 да 22:00 усіх частуюць бясплатным кавалачкам піцы, а таксама даюць магчымасць прадэгуставаць новы прадукт.
«Такога ў Гродне яшчэ ніхто не рабіў - мы вырашылі правесці дзень кавалачка піцы. Будзем частаваць гродзенцаў цэлы дзень, — распавядае дырэктар Go-Go Pizza Андрэй Вялента. — У сваім прадукце мы многае палепшылі і хочам даць магчымасць кліентам ацаніць змены. А яшчэ гэтай акцыяй мы плануем сабраць сваю аўдыторыю і чарговы раз заявіць пра сябе».
Аматары піцы змогуць прадэгуставаць новы прадукт з ялавічынай, а таксама пагутарыць з дырэктарам Go-Go Pizza.
