Дзе з’явіцца сквер замест высечаных дрэваў на Замкавай

30 студзеня ў гарадзенскім гарвыканкаме прайшло грамадскае абмеркаванне забудовы па вуліцы Замкавай. Замоўца — ЗТАА «ДТ-груп» (г. Вільня), выканаўца — праектная арганізацыя «ВКЛ-праект» (Гродна). Тэмай абмеркавання быў ўплыў новай забудовы на навакольнае асяроддзе. Зялёную зону на Замкавай абяцаюць «кампенсаваць» пасадкамі каля помніка Сакалоўскаму.

Тры будынкі плануюць пабудаваць у рамках праекта рэгенерацыі гістарычнага цэнтра, у тых жа межах, дзе яны былі раней. Цяпер на гэтым месцы сквер, ад якога пакінуць пяць дрэваў, а 10 ссякуць. Першы намеснік старшыні гарвыканкама Андрэй Вацлававіч Жук лічыць, што зараз гэты сквер не карыстаецца папулярнасцю гараджанаў.

Кампенсаваць страту зялёнай зоны ў цэнтры горада гарвыканкам абяцае, пасадзіўшы 18 дрэваў у іншым месцы — каля помніка Сакалоўскаму. Там, паміж дамамі па Савецкай 6 і 8, вуліцай Дамініканскай і корпусам ГрДУ пасля зносу гаражоў плануюць закласці новы сквер.

«Хочам пацешыць гараджанаў індывідуальным, цікавым падыходам у часткі высадкі расліннасці, зрабіць там нейкую разыначку,» — падзяліўся Андрэй Вацлававіч Жук.

Каля саміх жа новых будынкаў 25% пляцоўкі аддадуць пад абзеляненне. Паводле слоў забудоўшчыка, для прыгажосці аб’екта будуць высаджаны дрэвы, але колькі і якіх, ён адказаць не змог. Вызначыцца з гэтым замоўца плануе пасля завяршэння археалагічнай экспертызы.


hrodna.life/articles/skver-za-tekstyilyami-by/

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025