Стэлу, пабудаваную да 850-годдзя Гродна ў Каложскім парку абновяць, калі праект пройдзе ўзгадненне. Праект прайшоў першы этап адабрэння.
На чарзе — другі этап ўзгаднення. Рэканструкцыя можа прайсці па праграме трансгранічнага супрацоўніцтва Беларусі з краінамі Еўрасаюза, распавёў мэр Гродна Мечыслаў Гой. Па праекце плануюць ўпрыгожыць падыходы да скульптурнай кампазіцыі, а таксама дадаць аркады — некалькі аднолькавых арак, якія абапіраюцца на калоны або квадратныя слупы.
Даведка
Помнік-стэла быў усталяваны ў 1978 годзе ў гонар 850-годдзя Гродна. Ён уяўляе сабой дзве вежы вышынёй 31 метр, якія наверсе аб’яднаны вітражом з каляровага шкла з выявай лічбы «850». У аснавенні ўсталяваныя дзве скульптуры вышынёй 6 метраў. Першапачаткова яны былі абабітыя меддзю, але ў 1990-х гадах метал быў скрадзены, а скульптуры заменены на бетонныя. Да абеліска вядзе шырокая алея, якая пачынаецца вялікім каменем, на якім выбітыя словы пра 850-годдзе горада.
