Аляксей Шчадроў, вядомы як «брат Луіджы», едзе ў Гродна, каб дапамагчы бяздомным. Валанцёр плануе за бліжэйшыя выхадныя знайсці кухню, дзе можна будзе гатаваць ежу і раздаваць тым, хто мае ў гэтым патрэбу.
У вёсцы Аляксандраўка Шчучынскага раёна Аляксей Шчадроў ужо больш за сем гадоў дапамагае абяздоленым: ён арганізаваў там прытулак, куды забірае тых, ад каго адмовілася грамадства. Пастаяльцаў знаходзіць на сметніках, у каналізацыйных люках, на могілках і ў падземных пераходах.
«Сёння мы шукаем памяшканне ў Гродне, дзе можна было б гатаваць і раздаваць ежу, — распавядае Аляксей. — Сваю сталовую мы хочам адкрыць толькі на выхадныя, для гэтага нам патрэбна хоць які-небудзь пакой. Колькі будзе чалавек хадзіць на абед, я не ведаю, але ежы хопіць усім. Многія бяздомныя ў Гродне не вельмі добра паміж сабой знаёмыя. Усе яны хочуць есці».
У Гродне ўжо ёсць бясплатная сталовая ад «Карытас», але працуе яна ў буднія дні. Аляксей хоча дапамагаць гродзенцам у выхадныя і святочныя дні.
«Гэта будзе не адзінкавая акцыя, мы хочам дапамагаць людзям на пастаяннай аснове. Магчыма, гарадскія ўлады будуць перашкаджаць нам, але мы людзі і павінны дапамагаць адзін аднаму. Гэта ўсё мы праходзілі, прарвемся».
Калі вы хочаце дапамагчы Аляксею, можаце звязацца з ім па нумары: +375 33 3 882 858
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…