Выкладчык матэматыкі з Харватыі праехаў Беларусь і толькі ў Гродне сустрэў беларускамоўных

Харвацкі выкладчык Ігор Легаз вырашыў правесці студзеньскія канікулы ў Беларусі. Ён пабываў у некалькіх беларускіх гарадах і ў канцы падарожжа заехаў у Гродна. Тут ён упершыню сустрэў людзей, якія загаварылі з ім на беларускай мове.

Для сваіх блізкіх і сяброў Ігор вырашыў зняць відэа ў Гродне. У ім ён паказаў, што харват можа без праблем зразумець беларуса і наадварот. Гродзенцаў, якія размаўляюць на беларускай мове, турыст знайшоў у крамах “Цудоуня” і “Адметнасць”, “Цэнтры гарадскога жыцця” і рэдакцыі Hrodna.life.

“Усе славянскія мовы падобныя і ў гэтым я чарговы раз пераканаўся ў Гродне. Я без праблем магу зразумець беларуса”, – кажа харват.

Выкладчык матэматыкі з Харватыі праехаў Беларусь і толькі ў Гродне сустрэў беларускамоўных
Ігор з гродзенцамі, якія ў штодзённым жыцці актыўна ўжываюць беларускую мову

Ігор родам з харвацкага Дуброўніка, але працуе выкладчыкам матэматыкі ў сярэдняй школе ў Босніі і Герцагавіне ў горадзе Мостар. На студзеньскія канікулы мужчына вырашыў чарговы раз прыехаць у Беларусь. Гэта ўжо сёмая яго паездка ў нашу краіну.

“Я люблю падарожнічаць. У Беларусі мне падабаецца, тут гасцінныя людзі. Асабліва дзяўчыны прыгожыя – найлепшыя ў свеце. Але мяне здзіўляе адзін факт: беларусы не размаўляюць на роднай мове. Толькі ў Гродне я пачуў як людзі гавораць па-беларуску. Я іх разумеў і яны мяне таксама. Менавіта таму я вырашыў зняць відэа і паказаць сваім сябрам і знаёмым, што харвацкая і беларуская мовы падобныя. Калі беларусы ў бліжэйшы час не пачнуць гаварыць на сваёй мове, яна можа знікнуць. Трэба шанаваць сваё”.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Раім пачытаць

Каментары

Spelling error report

The following text will be sent to our editors: