Забівалі ў меншасці: «Нёман» мінімальна абыграў «Шахцёр»

Падапечныя Сяргея Пушкова 25 снежня парадавалі гродзенскіх аматараў хакея чарговай перамогай. У Салігорску «Нёман» паказаў ўпэўненую гульню і перамог мясцовы «Шахцёр».

У прынцыповым паядынку мінімальную перамогу гродзенцам прынеслі дзве шайбы, якія ім ўдалося забіць у меншасці. А таксама упэўненая гульня галкіпера Віталя Труса.

«Шахцёр» — «Нёман» 2:3 (0:1, 1:1, 1:1)

галы:
08:03 0:1 — Маліноўскі (Елісеенка, Смураў)
25:28 0:2 — А.Маляўка (Хараманда, С.Маляўка, — мен.)
34:46 1:2 — Дзямкоў (Камбовіч, Туркін)
42:43 1:3 — Кіслы (С.Маляўка, — мен.)
59:36 2:3 — Гарбуноў (Шэлег, Радчэнка)

Сяргей Пушкоў пасля матчу:

— Па-першае, віншую ўсіх з каталіцкімі Калядамі! Па-другое, дзякуй нашым заўзятарам, якія прыехалі ў Салігорск падтрымаць каманду. Гэтая падтрымка была нам патрэбна. Матч быў добры і ў абароне, і ў нападзе. Мне спадабалася самааддача рабят. Не здаралася ў нас гульня ў большасці, але затое ўдала ўсё склалася ў меншасці. Два добрых галы ў меншасці - гэта заслуга рабят, якія згулялі учатырох.

Чарговы матч «Нёман» згуляе 27 снежня ў Гомелі супраць мясцовай каманды, а 29-га правядзе апошні матч у гэтым годзе менавіта ў Жлобіне і сустрэнецца там з «Металургам».