Невялікая ўстанова пад назвай «Wooden» да канца года адкрыецца на Вялікай Траецкай, 28. У кавярні абяцаюць вялікі выбар гарачых напояў, выпечкі і хот-догаў.
«Адкрываемся ў добрым месцы, побач універсітэт. Будзем працаваць з 8 раніцы, каб многім было зручна. У кавярні плануецца 12 пасадачных месцаў. Будзем рабіць націск на каву і хот-догі, таксама ў нас будзе шмат гарачых напояў і выпечкі», — распавёў Hrodna.life уладальнік установы.
Інтэр'ер кавярні выкананы з дрэва, менавіта таму і такая назва — «Wooden» (з англ. драўляны). Адкрыццё запланавана на канец снежня.
Нагадаем, у канцы кастрычніка на Вялікай Траецкай адкрылася кавярня пад назвай «Мона».
