Бюст Фелікса Дзяржынскага знаходзіцца ля гімназіі № 6, што на вуліцы імя Дзяржынскага. Цягам лістапада яго абнаўлялі, а 13 снежня ўрачыста адкрылі. Цырымонію прымеркавалі да Дня супрацоўніка органаў дзяржаўнай бяспекі, піша «Гродзенская праўда».
У гэты ж дзень лепшых вучняў 5-х класаў урачыста прынялі ў піянеры. Піянерская дружына школы носіць імя Дзяржынскага.
[irp posts="91 909″ name="У гімназіі ў Гродне абнаўляюць помнік Феліксу Дзяржынскаму"]
Начальнік упраўлення КДБ па Гродзенскай вобласці Аляксандр Невяроўскі на адкрыцці патлумачыў, што «Фелікс Дзяржынскі - шматгранная асоба».
— Так павялося, што ён вядомы больш, як заснавальнік органаў дзяржаўнай бяспекі […], аднак сацыяльная частка яго дзейнасці была значная для маладой савецкай дзяржавы не менш. […] па яго ініцыятыве была створана камісія па паляпшэнні жыцця дзяцей, у выніку чаго праблему дзіцячай безнагляднасці атрымалася звесці да мінімуму. […] Прыемна, што ўскласці кветкі і аддаць даніну павагі Дзяржынскаму ветэраны і супрацоўнікі органаў КДБ могуць і ў Гродне. Помнікі павінны нагадваць моладзі пра тое, што было ў нашай гісторыі. Ведаючы сваю гісторыю, кожны з нас зможа зрабіць краіну лепш і прыгажэй, — сказаў Аляксандр Невяроўскі.
Намеснік старшыні аблвыканкама Віктар Лісковіч падкрэсліў, што помнік Феліксу Дзяржынскаму тут, у школе, — гэта важная частка выхавання патрыятызму, гістарычнай памяці і грамадзянскай адказнасці ў вучняў.
Адліты з бронзы бюст Фелікса Дзяржынскага ля ганка школы ўсталявалі ў 1985 годзе па ініцыятыве дырэктара Уладзіміра Стрэльнікава. Ён асабіста замовіў помнік, а стваралі яго ў Мінску. Праз 33 гады пры падтрымцы ўпраўлення КДБ па Гродзенскай вобласці, абласных і гарадскіх уладаў помнік і частку фасада школы абнавілі.
На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…
У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…