Крымінальная справа былога начальніка ўпраўлення аховы здароўя Гродзенскага аблвыканкама накіравана ў суд — яму пагражае да 10 гадоў турмы

Андрэя Стрыжака абвінавачваюць у паўторным атрыманні хабару ў буйным памеры. Разглядаць справу будзе Вярхоўны Суд, піша «Вячэрні Гродна».

Матэрыялы справы ў дачыненні да былога начальніка абласнога аховы здароўя вывучыла і накіравала ў суд Генеральная пракуратура. Акрамя таго, будуць разглядацца справы ў дачыненні да былых намесніка Міністра аховы здароўя і галоўнага лекара УЗ «12 гарадская клінічная стаматалагічная паліклініка г. Мінска».

— Пасля вывучэння матэрыялаў спраў Генпракуратура прыйшла да высновы аб абгрунтаванасці абвінавачання, наяўнасці дастатковых і дапушчальных доказаў, поўным і аб’ектыўным даследаванні абставінаў злачынстваў, пагадзілася з крымінальна-прававой кваліфікацыяй дзеянняў абвінавачаных. Крымінальныя справы знаходзіліся ў вытворчасці следчага ўпраўлення Камітэта дзяржаўнай бяспекі, гаворыцца ў паведамленні Генпракуратуры.

Стрыжак абвінавачваецца па ч. 2 арт. 430 КК РБ. Санкцыі прадугледжваюць пазбаўленне волі на тэрмін ад 3 да 10 гадоў з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю. Да суду абвінавачаны будзе ўтрымлівацца пад вартай.

Нагадаем, інфармацыя пра затрыманне Андрэя Стрыжака з’явілася ў канцы чэрвеня гэтага года. Як распавёў неўзабаве кіраўнік КДБ Васіль Вакульчык, чыноўнік апынуўся замяшаны ў цэлай карупцыйнай схеме, у якой удзельнічала каля 50 чалавек. Стрыжака у прыватнасці затрымалі за «арганізацыю правядзення тэхнічнага абслугоўвання і рамонту медыцынскага абсталявання, які знаходзіцца ва ўстановах аховы здароўя Гродна».

Даведка

Андрэй Стрыжак нарадзіўся 5 кастрычніка 1963 года ў Гродне. У 1986 годзе скончыў ГрДМУ, у 2007 годзе — Акадэмію кіравання пры Прэзідэнце РБ. Быў тэрапеўтам, выконваючым абавязкі галоўнага лекара Даўгавічскай сельскай участковай бальніцы Магілёўскай вобласці, хірургам дзіцячай паліклінікі № 1 г. Гродна, лекарам дзіцячага артапедатраўматалагічнага аддзялення бальніцы № 4, лекарам-траўматолагам, намеснікам галоўнага лекара бальніцы, затым аб’яднання «Хуткая медыцынская дапамога» г. Гродна. З 2003 года — галоўны ўрач Гродзенскай абласной дзіцячай клінічнай бальніцы. Начальнікам упраўлення аховы здароўя Гродзенскага аблвыканкама прызначаны ў снежні 2010 года.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025