Зямлю пад офісны цэнтр на Маставой купілі за 33 тысячы долараў. Што яшчэ прадалі на аўкцыёне ў аўторак і за колькі

Адміністрацыйны будынак пад офісы з’явіцца на вуліцы Маставой, 40б на месцы знесенага састарэлага будынка. Участак пад будаўніцтва аб’екта прадалі за 66,6 тысяч рублёў на адкрытым аўкцыёне 11 снежня, піша «Вячэрні Гродна».

Пабудаваць у самым цэнтры горада офісны цэнтр выявіў жаданне толькі адзін бізнэсмэн з Гродна. Паводле яго слоў, пакуль невядома, як канкрэтна будзе выглядаць будучая пабудова. Пасля куплі зямлі ён пачне вывучаць розныя архітэктурныя праекты, з якіх абярэ самы цікавы. Зрэшты, у любым выпадку будучыню будынак будзе двухпавярховым з мансардным паверхам — такія ўмовы аўкцыёну.

Нагадаем, продаж участку павінен быў адбыцца 13 лістапада, аднак з-за таго, што горад сам знёс трухлявы будынак, а не даручыў дэмантаж новаму ўладальніку, трэба было перааформіць дакументы і таргі перанеслі.

Што яшчэ прадалі?

Працягваецца распродаж зямельных участкаў пад прыватныя асабнякі. Так, знайшлі ўладальніка 8 сотак на вуліцы Адэльска ў мікрараёне «Паўднёвы-4». У ходзе таргоў тры ўдзельнікі паднялі кошт на ўчастак з пачатковых за 12,5 тысяч рублёў да 25,2 тысяч рублёў.

На вуліцы Ланского (у тым жа раёне) за зямельны надзел змагалася 5 прэтэндэнтаў. У выніку пачатковыя 18,4 тысяч рублёў выраслі ў выніковыя 39,7 тысяч рублёў. Памер ўчастка — 12 сотак.

Да канца года таксама будуць выстаўлены на продаж ўчасткі ў «Паўднёвым-4» і «Баранавічах-7.