Унесці заўвагі і прапановы ў дакумент, па якім Гродне будзе развівацца да 2030 года, могуць усе жадаючыя з 18 снежня 2018 года па 11 студзеня 2019 года, піша «Вячэрні Гродна».
Мэта праекта — распрацоўка прыярытэтаў, мэтаў і стратэгіі комплекснага горадабудаўнічага развіцця горада, функцыянальнае занаванне і рэгламенты выкарыстання тэрыторый, асноўныя параметры забудовы, развіцця магістральнай інжынерна-тэхнічнай і транспартнай інфраструктуры, сацыяльнай інфраструктуры, фарміраванне бяспечнага і экалагічна спрыяльнага асяроддзя жыццядзейнасці, паведамілі ў Гродзенскім гарвыканкаме.
Існуючая плошча — амаль 14,2 тысяч га. Да канца разліковага тэрміну рэалізацыі генплана плошча горада ў межах гарадской рысы не зменіцца. Плануецца рэалізаваць першы этап генплана да 2025 года, а праз пяць гадоў - другі этап.
Азнаёміцца з праектам можна на сайце гарвыканкама або ў вестыбюлі будынка ўпраўлення архітэктуры і горадабудаўніцтва гарвыканкама па адрасе: пл. Антонія Тызенгаўза, 3 з 18 снежня 2018 года па 1 студзеня 2019 года. Акрамя таго, 20 снежня ў актавай зале ў гарвыканкаме пройдзе прэзентацыя праекта.
Заўвагі і прапановы могуць быць пададзены ў пісьмовай або электроннай форме з 18 снежня 2018 года па 11 студзеня 2019 года ў Гродзенскі гарвыканкам па адрасе: пл. Леніна, 2/1, 230 023, г. Гродна, па электроннай пошце: gorisp@gorod.grodno.by або выкарыстоўваючы сэрвіс «Электронныя звароты» на афіцыйным сайце Гродзенскага гарвыканкама grodno.gov.by.
Вынікі абмеркаванняў будуць апублікаваныя на сайце гарвыканкама да 26 студзеня 2018 года.
