Hrodna.life прагледзеў афішы гродзенскіх кінатэатраў, каб даведацца, што варта паглядзець на вялікім экране на гэтым тыдні.
Галоўнай прэм’ерай другой паловы лістапада абяцае стаць мультбастар «Ральф супраць інтэрнэту» («Ralph Breaks the Internet»). Гэта працяг анімацыйнай гісторыі 2012 года, у якой герой олдскульнай камп’ютарнай гульні вырашае прыпыніць сваю «злачынную» працу і пускаецца ў прыгоды ў свет аркадных аўтаматаў 1980−90-х.
Першая частка падарыла сюжэт, здольны не толькі рассмяшыць, але і абудзіць настальгічныя ўспаміны. Мяркуючы па трэйлерах працягу, стваральнікі, адаслаўшы Ральфа ў сусветную павуціну, вырашылі ператварыць мультфільм у каталог адсылак да разнастайных папулярных назваў і брэндаў. Чакаецца кароткі экскурс у «Асновы карыстання інтэрнэтам» для дзяцей. Абы гэта не ператварыла мульцік у суцэльную надакучлівую рэкламу.
www.youtube.com/watch?reload=9&v=tXNXwMWB_j0
Дысней таксама вырашыў напоўніць «Ральфа» натоўпамі сваіх персанажаў. Галоўнай адметнасцю абяцае стаць з’яўленне на адным экране фактычна ўсіх дыснэеўскіх прынцэс з мінулых экранізацый. Успамінаецца адразу вясновая фантастыка «Першаму гульцу прыгатавацца», толькі тут для самых маленькіх.
З 22 лістапада выходзіць драма «Жонка», дзе цяжка загадзя вызначыць галоўнага героя. Ім можа апынуцца састарэлы літаратар (Джонатан Прайс), які атрымлівае Нобелеўскую прэмію, або яго жонка (Глен Клоўз), якая прысвяціла сваё жыццё дасягненням мужа. Чакаецца сур’ёзнае сутыкненне невырашальных супярэчнасцяў, назапашаных за дзесяцігоддзі сумеснага жыцця.
www.youtube.com/watch?v=sdaXZ-MU6OM
Сур’ёзнае «канфліктнае» кіно мае быць разведзена выдатнай акцёрскай гульнёй, а іншы погляд на праблему ролі жанчын у грамадстве зноў закранае іх статус у сучасным кіно. Кінакрытыкі ад фільма ў ціхім захапленні.
Таксама ў бліжэйшы чацвер варта быць больш уважлівым аматарам трылераў і фільмаў жахаў. Адразу дзве навінкі гэтага жанру: «Саната» і «Школа». Першая — пра маладую скрыпачку, што сутыкнулася з бесаўшчынай у родным маёнтку, другая — пра маці, якая спрабуе выцягнуць свайго сына з іншага свету.
www.youtube.com/watch?v=Ne4ZnsdYMAY
Людзі, якія ўжо паглядзелі абодва фільма, не далі ім добрых ацэнак. Але жанр кінажахаў заўсёды быў далёкім ад аб’ектыўнасці. З двух зол найбольшую цікавасць выклікае «Саната», якая чапляе сваёй вытанчанасцю, багатымі дэкарацыямі і прыхільнасцю да класічных хорараў мінулага. «Школа» глядзіцца сырым варыянтам «Сайлент Хіла», дзе кікімары і вадзяныя з танным грымам не атрымаліся пераканаўча страшнымі. Але больш за ўсё палохаюць нізкія глядацкія ацэнкі гэтых жахаў. Яны быццам кажуць: «Паглядзі гэта лепш дома».
Жыхара Ваўкавыска судзяць паводле арт. 10. 9 КаАП "Парушэнне заканадаўства аб выбарах". Верагодна, ён спрабаваў…
У цэнтры Гродна, проста насупраць чыгуначнага вакзала, прадаецца чатырохпакаёвая кватэра. Яна размешчана на 10 паверсе…
Непаўналетняга жыхара Ваўкавыска асудзілі на год "хатняй хіміі" за здзек з дзяржаўнага сцяга, піша мясцовая…
Асноўныя мерапрыемствы пройдуць у цэнтры горада 1 сакавіка. Запланавана масленічнае шэсце, спаленне пудзіла зімы і…
Гродзенка паказала ў TikTok наступствы капітальнага рамонту інтэрната па вуліцы Гогаля, 9. Пасля работ на…
Жылы комплекс «Аляксандраўскі» узводзяць на месцы былых ваенных казармаў. Забудова будзе складацца з двух невысокіх…