Дадаць навіну
Аўторак, 13 лістапада 2018, 08:58

У Францыі з’явіўся жылы квартал, названы ў гонар Жылібера

6 лістапада ў французскім горадзе Вільру (Латарынгія) адбылася афіцыйная цырымонія інаўгурацыі жылога квартала імя Жана Эмануэля Жылібера. Каркасна-панэльныя дамы выраблены на ўчастку сучаснага драўлянага домабудавання РУП «Завод газетнай паперы» у Шклове, паведамляе партал Realt.by

Ва ўрачыстай цырымоніі ўзялі ўдзел амбасадар Беларусі ў Францыі Павел Латушка, мэр горада Вільру Алан Казоні, а таксама намеснік дырэктара па капітальным будаванні РУП «Завод газетнай паперы» ў Шклове Аляксей Малчанаў, прадстаўнікі французскіх кампаній-падраднікаў і беларускіх будаўнікоў. Падчас цырымоніі адкрыта памятная дошка.

У Францыі з'явіўся жылы квартал, названы ў гонар Жылібера

Як расказаў Аляксей Малчанаў, 90% усёй прадукцыі прадпрыемства экспартуецца за мяжу. Асноўным рынкам збыту з’яўляецца Францыя. У гэтай краіне прадпрыемства наўпрост працуе з трыма французскімі контрагентамі. Адзін з іх — кампанія Logibat, якая разам з беларускім замоўцам і пастаўляла дамы ў горад Вільру.

Паводле слоў Аляксея Малчанава, цяпер вядзецца трэцяя чарга будавання квартала, дзе будуць жыць французскія сем’і. На ўрачыстай цырымоніі ўручылі ключы ад кватэры першай сям’і.

Усяго ў рамках квартала ўжо пабудавана парадку 5 тысяч квадратных метраў жытла, ці 26 дамоў на 36 кватэр. «Квадрат» жылога дома ў каркасна-панэльным выкананні каштуе шклоўскаму заводу 180-190 еўра.

У Францыі з'явіўся жылы квартал, названы ў гонар Жылібера

— Для нас гэта выгадны і перспектыўны кірунак працы. Мы і далей маем намер працаваць па гэтым праекце з кампаніяй Logibat. Ужо падпісаны пратакол пра намеры на 2019 год на выраб, мантаж і дастаўку ў Вільру яшчэ 47 нашых дамоў, — удакладніў Аляксей Малчанаў.

Фота дамоў пададзены РУП «Завод газетнай паперы» ў Шклове.

comments powered by HyperComments

Раім пачытаць

Каментары

Spelling error report

The following text will be sent to our editors: