Пачынаецца набор у Школу Сучаснай Журналістыкі ў Гродна. Патрэніруй свае ўменні, стань сваім у свеце медыя

З 13 лістапада 2018 года пачынаюцца заняткі ў Школе Сучаснай Журналістыкі ў Гродна.

Там навучаць пісаць артыкулы ў розных жанрах і для розных платформаў (друкаваныя СМІ, сацыяльныя сеткі, інтэрнэт-выданні), рабіць радыё і тэле сюжэты, фотарэпартажы, праводзіць прамыя-анлайн трансляцыі з месца падзеі, стрым-трансляцыі, весці блогі. Слухачы пазнаёмяцца з працай рэдакцый, правіламі камунікацыі, бяспечнымі паводзінамі ў інтэрнэце, факт-чэкінгам, медыя і IT супольнасцю.

Выкладчыкі ШСЖ: паспяховыя прафесіяналы з вядучых медыя Беларусі, Польшчы, Літвы, вядомыя блогеры.

Гэта заняткі для выпускнікоў, студэнтаў, маладых спецыялістаў. Усіх, хто хоча атрымаць новую прафесію, звязаную з медыя, паступіць на журфак ці проста пісаць тэксты і рабіць яркія і жывыя старонкі ў сацыяльных сетках.

Выпускнікі школы паспяхова паступаюць у вядучыя ВНУ Расіі, Беларусі, Еўропы. Заняткі праводзяцца ў выглядзе трэнінгаў (2 гадзіны) і інтэнсіву (4 гадзіны). У перапынках — персанальныя кансультацыі трэнераў.

Бонус. Для ўдзельнікаў ШСЖ — заняткі на дадатковых платных інтэнсівах па мультымедыя ўваходзяць у кошт навучання.

Курс разлічаны на 45 гадзін з лістапада да красавіка. Заняткі будуць праводзіцца па аўторках (18.00) і нядзелях (15.00).

Адрас: г. Гродна, вул. Будзёнага 48а-86
Запісацца на курс можна толькі запоўніўшы анкету тут да 11 лістапада.
Кошт навучання — 40 рублёў.

Школа журналістыкі працуе ў Гродна з 1997 г. Яе выпускнікамі сталі ўжо больш за 400 чалавек, многія з якіх паспяхова працуюць у мясцовых, нацыянальных і замежных СМІ. Больш за 20 выпускнікоў Школы сталі лаўрэатамі міжнародных і нацыянальных прэмій у галіне журналістыкі.

Пачытаць водгукі ўдзельнікаў папярэдніх школ можна тут.
Даведкі па тэлефоне: +375 336 341 041