Пра гэта ТАСС паведаміў яго сын Андрэй Карачанцаў. “Так, мы пацвярджаем. Гэта здарылася ў рэанімацыі 62-й бальніцы ў Маскве, без дзесяці дзевяць раніцы “, – сказаў ён.
“Мікалай Пятровіч памёр сёння”, – пацвердзіла агенцтву жонка акцёра Людміла Поргіна. Яна дадала, што зараз будзе вырашацца пытанне пахавання і развітання.
Карачанцаў зняўся ў дзесятках фільмаў, сярод іх: “Старший сын”, “Собака на сене”, “Трест, который лопнул”, “Человек с бульвара Капуцинов”. На яго рахунку шмат тэатральных работ, уключаючы спектакль “Юнона и Авось”. Гродзенцы памятаюць яго за фільм “Белые росы”.
