У Гродне пройдзе міжнародная танцавальная сустрэча «Дзень і ноч танцаў»

Танцавальная сустрэча «ДЗЕНЬ І НОЧ ТАНЦАЎ 27−28.Х.2018» распачнецца 27 кастрычніка, а 20 гадзіне у «Цэнтры гарадскога жыцця» (г. Гродна, вул. Кірава, д. 3) і працягнецца цэлую ноч да ранку.

У сустрэчы прымуць удзел музычныя капэлы з Беларусі і Літвы: «Колісьнія» (Мінск), «На таку» (Мінск, Магілёў), «Капэла Гарадзенскіх Дворыкаў», капэла з Літвы (Вільня, Клайпеда) і іншыя музыканты, якія граюць традыцыйную музыку.

Удзельнікі імпрэзы змогуць пачуць гукі скрыпкі, гармоніка, акардэона, дуды, цымбалаў, бубнаў, барабана, кларнета, бубна. Пад жывую музыку зладзяць традыцыйныя танцы, якія здаўна танцавалі на нашых землях.

Рэпертуар музычных капэл — як распаўсюджаныя полькі, вальсы, факстроты, абэркі, мазуркі, гэтак і прызабытыя сёння фігурныя танцы: «Кракавяк», «Лысы», «Месяц», «Верабейка», «На рэчаньку», «Падыспань», «Якаў», «Жыдок», «Млын» і іншыя.

Удзельнікам танцавальнай сустрэчы можа стаць кожны ахвотны, нават тыя, хто яшчэ не знаёмы з традыцыйнымі танцамі. Іх адметнасць у тым, што рухі досыць простыя, у фігурных танцах яны ўвесь час паўтараюцца. Да таго ж, многія традыцыйныя танцы збіраюць удзельнікаў у агульнае кола, дзе можна падгледзець у іншых, як выконваць тую ці іншую фігуру. Абавязковая рэгістрацыя.

Летась міжнародная ноч традыцыйных танцаў сабрала каля паўтары сотні ўдзельнікаў з Беларусі, Польшчы, Літвы, Латвіі, Расіі. Арганізатарам міжнароднай сустрэчы «ДЗЕНЬ І НОЧ ТАНЦАЎ 27−28.Х.2018» выступіў ініцыятар гродзенскага сацыяльнага праекта «Танцы гарадзенскіх дворыкаў» Андрэй Бароўскі.


«Мы сталі паціху разумець, што фігурныя танцы — фуфло». Музыка Аляксей Крукоўскі пра лепшых партнёраў і сакрэты рухаў


На працягу дня ўдзельнікі сустрэчы змогуць бясплатна далучыцца да экскурсіі па Гродне з Ігарам Лапехам (27.10.2018 у 11.00) і наведаць адкрыццё выставы «Станіслаў Маленчык. Грай, скрыпка, грай…», прысвечаную 90-годдзю музыканта (27.10.2018 у 16.00).


«Камандзіровачныя памятаюць яго на вакзале». Выстава пра геніяльнага музыку Станіслава Маленчыка адкрыецца ў Гродне


Падзяліцца

Апошнія запісы

У цэнтры Гродна адкрылася пяльменная — у назве ёсць адсылка на легендарнае кафэ, якое любілі гродзенцы

"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…

23 лютага 2025

«Пекла на зямлі». Гродзенка падзялілася, як працуе кадастравае агенцтва падчас рамонту

Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…

21 лютага 2025

У конкурсе «Гродна Азот» да Дня роднай мовы паўдзельнічалі два пенсіянеры і ідэолаг

Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…

21 лютага 2025

У Польшчы закрылі справу аб давядзенні беларускага экс-палітвязня да самагубства

Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…

21 лютага 2025

Дырэктара прадпрыемства з Ваўкавыскага раёна судзяць за разгалашэнне службовай таямніцы

Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…

21 лютага 2025

Сыркі «Малочнага Міру» не спадабаліся МАРГ — там знайшлі прапаганду нацызму

"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…

21 лютага 2025