«Сэлфі яна не рабіла. Тэлефон у іншым пакоі». Як загінула школьніца з Гродна

Трагедыя адбылася ўвечары ў нядзелю на вуліцы Саламенкоўскай. 13-гадовая Віка выпала з акна кватэры на 10-м паверсе, дзе жыла разам з бацькамі і малодшым братам. У момант трагедыі дзяўчына была дома адна. Ці было гэта самагубства ці дзяўчына вывалілася з акна выпадкова? Спрабуем даведацца, што дакладна адбылося ў той вечар, піша «Еўрарадыё».

Бацькі і знаёмыя не вераць у самагубства Вікі, так як, па іх словах, ніякіх прычын для гэтага ў яе не было.

— Увесь пад’езд перажывае, — распавёў адзін з жыхароў дома. — Мае дзеці сябравалі з Вікай. Дзяўчынка была добрая, з нармальнай і адэкватнай сям'і. Хутчэй за ўсё, няшчасны выпадак адбыўся, ніякага суіцыду не магло быць. Магчыма, нешта хацела ўбачыць і нейкім чынам перакулілася праз акно. Сэлфі яна не рабіла, таму што тэлефон ляжаў у іншым пакоі. Я маю зносіны з бацькамі Вікі, ведаю. Цалкам забяспечаная сям’я, паверце, ніякіх сацыяльных праблем у іх не было. Адбыўся няшчасны выпадак.

«Трэба правесці вялікі аб’ём работы, каб разабрацца»

У каментары Еўрарадыё афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч кажа, што пакуль канчатковай інфармацыі аб прычынах падзення дзяўчыны з вышыні няма.

«Разбіраемся ў абставінах смерці гэтай дзяўчынкі. Прызначана судова-медыцынская экспертыза. Трэба правесці вялікі аб’ём работы, каб разабрацца. Гэта ўсё, што пакуль магу сказаць», — распавёў прадстаўнік СК.