Вільня і Гродна. Адкрылася яшчэ адна фотавыстава ад аматараў

У выставачным цэнтры «Фестывальны» адкрылася выстава па выніках курсу для пачаткоўцаў Photostart. Некаторыя знакамітыя фатографы называюць яе «дзіцячым садам». Але маладыя фатографы не крыўдуюць. Яны пачалі актыўна здымаць і задумвацца пра ўласныя праекты.

На выставе «Фотавымярэнне» вы ўбачыце 38 фотапрац, якія адлюстроўваюць краявіды Гродна і Вільні. Стваральнікі адмыслова не падпісвалі, які горад на фота, падкрэсліваючы іх падабенства. На фота можна ўбачыць як вядомыя мясціны, так і далёкія ад цэнтраў будынкі і вуліцы.

Курс Photostart праходзіў у жніўні і верасні пры падтрымцы Міністэрства замежных спраў Літвы. Таму навучэнцы сустракаліся не толькі з гродзенскімі і беларускімі фатографамі, мастакамі і творцамі, але і з літоўскімі дзеячамі. За тры тыдні штодзённых лекцый і семінараў маладыя фатографы засвоілі веды пра кампазіцыю, працу са святлом, даведаліся прыёмы, якія робяць фатаграфію цікавай і прывабнай.

У праекце паўдзельнічала 15 чалавек з розным узроўнем ведаў. Сярод іх — трое маладых людзей з парушэннямі слыху, якія карысталіся сурдапераводам ад сваіх выкладчыкаў. Як кажуць кіраўнікі праекту Сяргей Курыла і Кацярына Гардзеева, за кошт абмежавання ў слыху яны бачаць больш за нас, таму было цікава ўбачыць іх погляд на гарады.

Амаль для ўсіх удзельнікаў курса фатаграфія — хобі. Але пасля курса яны пачалі задумвацца пра ўласныя праекты ці манетызацыю захаплення. Арганізатары кажуць, што калі хаця б некалькі чалавек стане добрымі фатографамі, то курс прайшоў недарма.

Выставу можна наведаць у выставачным цэнтры «Фестывальны» да 25 кастрычнікa.

Падзяліцца

Апошнія запісы

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025