У сталіцы Германіі 10 кастрычніка хакеісты «Нёмана» прайгралі мясцоваму «Айсбэрэну» з лікам 1:4 і датэрмінова згубілі шанцы на выхад у наступную стадыю Лігі чэмпіёнаў.
Гаспадары адкрылі лік у матчы на 15-й хвіліне, дзякуючы дакладнаму кідку Рэнфорда. Гродзенскія хакеісты хутка здолелі зраўняць лік — вызначыўся Елісеенка на 17-й.
У другой дваццаціхвілінцы «Нёман» прапусціў яшчэ дзве шайбы, але вось сам вызначыцца не мог, нягледзячы на тое што гродзенцы шмат гулялі ў большасці, у тым ліку, і 5 на 3.
У заключным перыядзе «Айсбэрэн» закінуў яшчэ адну шайбу і паставіў кропку ў матчы.
«Айсбэрэн»: «Нёман» — 4:1 (1:1, 2:0, 1:0).
Шайбы закідвалі: 1:0 — 15 Ранфорд (Сміт, Буш) 1:1 — 17 Елісеенка (Баярчук) 2:1 — 31 Шэппард (Дзюпон, МакКуін) 3:1 — 32 Нэбэльс (Ранкель, Кандары) 4:1 — 41 Сміт (Ранфорд, Кэттэмэр)
Табліца групы D: «Цуг» — 13 ачкоў (5 матчаў), «Камета» — 9 (5), «Нёман» — 5 (5), «Айсбэрэн» — 3 (5).
Апошні матч у сёлетняй Лізе чэмпіёнаў «Нёман» правядзе ў Гродне 16 кастрычніка і будзе прымаць «Айсбэрэн».
