Больш за 200 сталых гродзенцаў і гродзенак сталі студэнтамі юбілейнага набору Універсітэта Залатога Веку. Яны не толькі сядуць за парты ў аўдыторыях, каб вучыць замежныя мовы, маляваць ці вывучаць гісторыю горада. Скандынаўская хада, гімнастыка, ёга, танцы і экскурсіі дабавяць руху ў студэнтскае жыццё. Сёлета іх чакае 50 навучальных курсаў і клубаў на любы густ. Навучальны год сталыя студэнткі і студэнты пачалі 4 кастрычніка са святочнага канцэрта. Павіншаваць іх прышлі навучэнцы музычнай школы № 2.
Па словах кіраўнічкі праграмы Ланы Руднік, за час існавання ўніверсітэт змяніў жыццё не толькі гродзенскіх пенсіянераў. Студэнты і выкладчыкі праводзілі таксама міжнародныя канферэнцыі і круглыя сталы, прысвечаныя актыўнай сталасці. Вітаўт Руднік, адзін з арганізатараў універсітэту, падкрэсліў, што сёлета пра стратэгію актыўнага даўгалецця пачулі і ў кіраўніцтве краіны. Неабходнасць яе стварэння агучыў міністр працы.
[irp posts="79 393″ name=""Мама, не тупі!" Чаму не трэба баяцца пенсіі, пакуль ёсць Універсітэт Залатога Веку"]
Уласнымі вершамі прывітаў сёлетніх слухачоў УЗВ адзін з ганаровых студэнтаў, Іван Буднік.
«Мы доўга ў кватэрах глядзелі, як марна міналі гады
І ў марах на Кіпр мы ляцелі, пакінуць на пляжы сляд.
А тут у жыцці бліскавіцай з’явіўся ў нас век залаты
І ў душах надзея іскрыцца і ў душах няма ўжо слаты.
З кватэраў мы ў пошуку вышлі
Дзе гэты прываблівы госць?
Цікавасцю сэрцы забілісь, другая прышла маладосць!
«Няхай пакідаюць вас і на другі год! Гэта ў іншых універсітэтах кепска, а тут добра. Тут можна і на 10 гадоў заставацца», — запэўніў ганаровы студэнт.
Юныя музыкі ўпрыгожылі свята спевамі і музыкай.
Што з сябе ўяўляюць сёлетнія сталыя студэнты і чаму яны будуць вывучаць, глядзіце на інфаграфіцы:
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…