Стадыён для пляжных відаў спорту ўзвядуць пад Гродна ў 2019 годзе

Аб’ект з’явіцца ў парку актыўнага адпачынку «Каробчыцкі Алімп». Пра гэта паведаміў БЕЛТА начальнік упраўлення спорту і турызму Гродзенскага аблвыканкама Алег Андрэйчык.

— Гэта будзе невялікі стадыён з трыбунамі, зручнымі і сучаснымі распранальнямі і душавымі для спартсменаў, з якаснымі пляцоўкамі для пляжных відаў - валейбола і футбола. Ён дазволіць прымаць матчы, турніры досыць сур’ёзнага ўзроўню, — адзначыў Алег Адрэйчык.

Ён распавёў, што інфраструктура для пляжнага футбола ў рэгіёне працягвае развівацца. Узводзіцца пляцоўка на адной з баз адпачынку пад Гродна. Адкрыўся стадыён у Шчучыне. Некалькі гадоў таму з’явілася трэніровачная база для «пляжнікаў» у Каложскім парку ў Гродне.

Сам від спорту таксама становіцца ў Гродзенскай вобласці ўсё папулярней. Ёсць і годныя вынікі. Упершыню у 2018 годзе каманда «Гроднааблспорт» стала чэмпіёнам краіны і ўладальнікам Кубка Беларусі па пляжным футболе. Сёння футбалістаў і трэнераў каманды-чэмпіёна ўшаноўвалі ў Гродне.

— Дасягненне не шэраговае. Каманда ішла да яго некалькі гадоў, набіраючыся вопыту, падвышаючы майстэрства. Важна, што ў складзе дружыны не прафесіяналы, а футбалісты-аматары. Від спорту відовішчны, цікавы, у яго, упэўнены, ёсць будучыня, — адзначыў Алег Андрэйчык.

Шэраг футбалістаў з Гродна ўваходзяць у склад нацыянальнай зборнай краіны.

— Гульцы ў нас сабраны ў асноўным маладыя. Бачым цікавасць з боку падрастаючага пакалення. Таму, упэўнены, каманда толькі ў пачатку большага шляху. Прыемна, што і наш від спорту ў рэгіёне падтрымліваюць, аказваюць яму ўвагу. Бачым і цікавасць гледачоў, напрыклад, на гульнях у Шчучыне збіраўся поўны стадыён, — адзначыў трэнер каманды «Гроднооблспорт» Васіль Савіч.

Ён падкрэсліў, што перад камандай стаіць новы выклік. У маі 2019 году «Гроднааблспорт» прадставіць краіну на турніры ў Партугаліі, дзе выступяць звыш 30 чэмпіёнаў з еўрапейскіх краін.

Падзяліцца

Апошнія запісы

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025