У Гродне прадставілі вынікі даследавання пра эканамічныя каштоўнасці беларусаў. Адказы гродзенцаў па некаторых пытаннях істотна адрозніваюцца ад меркаванняў жыхароў іншых рэгіёнаў краіны.
19 верасня ў Гродне распачалася рэгіянальная канферэнцыя KEF-2018. «Рэгіёны Беларусі: ад аднаўлення росту да развіцця канкурэнтаздольнасці». Удзел у ёй бяруць навукоўцы, даследчыкі, бізнесмены.
Ужо першая прамоўца — сацыёлаг Даследчага цэнтру ІПМ Дар’я Урбан (на здымку), выклікала бурнае абмеркаванне ў залі.
Дар’я прадставіла ўрыўкі з праведзенага Даследчым цэнтрам ІПМ даследавання пра эканамічныя каштоўнасці беларускага насельніцтва і беларускіх прадпрымальнікаў.
Якія якасці патрэбныя, каб стаць багатымі ў Беларусі? Крыху больш за палову ўдзельнікаў апытання адзначылі, што для гэтага патрэбныя сувязі. Асабліва ў гэтым упэўненыя гродзенцы (64% апытаных).
А яшчэ добра было б мець багатых бацькоў (так лічыць 28% гродзенцаў - таксама больш, чым іншыя беларусы).
Больш за іншых беларусаў гродзенцы занепакоеныя ростам цэн, які яны адзначылі як адну з найвялікшых праблем для Беларусі.
На канферэнцыі плануецца абмеркаваць канкурэнтаздольнасць гродзенскага рэгіёну, а таксама магчымасці для доўгатэрміновага росту.
Канферэнцыя арганізаваная Даследчым цэнтрам ІПМ пры фінансавай падтрымцы Еўрасаюза. Мясцовым партнёрам з’яўляецца ўстанова «Цэнтр дадатковай адукацыі дарослых «Студыя карысных кампетэнцый».
Трохпакаёвая кватэра на другім паверсе прадаецца ў Скідзелі. Рамонт у ёй зроблены з лёгкім намёкам…
ДАІ Гродна паведаміла, што ў горадзе з пачатку года больш за 300 парушэнняў ПДР учынілі…
Гродзенка Ганна лічыць, што самую смачную піцу ў горадзе гатуюць ва ўстанове "Мука і вада"…
Беларусы стварылі мастацкую 3D-рэканструкцыю Крэўскага замка, у якой візуалізавалі магчымы від крэпасці з трыма вежамі.…
Браты Клапацюкі ператварылі будынак фермы ў Свіслацкім раёне ў сучасную рыбную гаспадарку. У старым кароўніку…
У Гродне створаць адзіную дзяжурна-дыспетчарскую службу (АДДС) на 16 арганізацый. Яна аб'яднае экстраныя службы і…