Старадаўнія вуліцы Гродна, лялькі, апранутыя ў строі 19 ст., а таксама антыкварныя рэчы — усё гэта можна пабачыць з 15 верасня ў культурным цэнтры «Фестывальны». Выстаўленыя працы стварылі мастакі Алесь Сураў і Таццяна Скрыпій.
Алесь Сураў - мастак у Гродне вядомы. А вось Таццяна, якая працуе медыкам, выстаўляецца ўпершыню. Яна толькі год таму пачала рабіць лялькі, хоць любоў да гэтай справы ў яе з ранняга дзяцінства.
У гэтым праекце Таццяна паспрабавала праз калекцыю лялек адлюстраваць людзей, якія жылі і працавалі на вуліцы Іванаўскай (сучасная Тэльмана) у канцы 19 ст. Усяго на выставе 15 лялек: стаматолаг і яго пацыент, швачка, мадэльер, прадавачка булак і іншыя. Галоўны персанаж выставы — вобраз знакамітага гродзенскага фатографа Зэльмана Карасіка, які працаваў таксама на Іванаўскай, дзе выстаўляюцца лялькі.
Алесь Сураў прадставіў карціны, якія спецыяльна падрыхтаваў да выставы: гэта бачанне гарадскіх вулачак 19 ст. і гродзенцаў, якія жылі ў той час.
Выстава адкрываецца ў культурным цэнтры «Фестывальны» 15 верасня і будзе доўжыцца мінімум месяц. Цэнтр працуе з 10:00 да 19:00.
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
Калі вы хацелі жыць у кватэры з уласнай фрэскай, ды яшчэ і блізка да прыроды,…