Фестываль вулічнай ежы Vulitsa Ezha, які ўжо чатыры гады паспяхова праходзіць у Мінску, прыедзе ў Гродна. Ён пройдзе на стадыёне «Нёман» 22−23 верасня.
Час: 12.00−22.00
Цана: 5 руб.
Білеты можна набыць на ўваходзе.
Дзецям да 12 гадоў уваход вольны (у суправаджэнні бацькоў)
Наведвальнікаў чакае вялікі фудкорт з унікальнымі стравамі, якія ўстановы прыдумляюць спецыяльна для Vulitsa Ezha. На фестывалі можна знайсці класіку стрыт-фуда і цікавыя навінкі ад мінскіх гуру вулічнай ежы і гродзенскіх энтузіястаў.
На Vulitsa Ezha будзе не толькі ежа, але і музыка: выступяць БЕЗ БІЛЕТА, Intelligency, MIKITA і Кактэйль Шаляпіна. Будзе арганізавана вялікая чылаўт зона, каб па-сапраўднаму нацешыцца восеньскімі выходнымі ў чаканні хэдлайнераў.
Акрамя гэтага, у рамках Кулінарнай школы кухары і блогеры будуць дзяліцца з гасцямі сакрэтамі прыгатавання страў,
а вялікая дзіцячая зона не дасць сумаваць малым.
Асноўная ідэя фестываляў Vulitsa Ezha: знаёміць гараджан з якаснай і разнастайнай вулічнай ежай, развіваць гэты кірунак і паказваць, што ежа можа быць не толькі простай і даступнай, але і карыснай.
Арганізатары адкрытыя для прапаноў і заявак ад жыхароў Гродна.
Магчыма вы самі гатуеце выдатны стрыт-фуд, у вас ёсць свой фудтрак, а можа хочаце паспрабаваць гатаваць новы фармат страў ад сваёй установы?
Ці вы гатуеце дома смачныя пірожныя або выпякаеце хлеб? Ці вы актыўны гараджанін, які хоча расказаць пра свае ініцыятывы ў рамках фестывалю?
Заяву на ўдзел можна пакінуць на сайце vulitsaezha.by або напісаць на скрынку vulitsa.ezha@gmail.com.
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…