Дадаць навіну
Серада, 17 кастрычніка 2018, 16:09

У “Брузгах” арыштавалі мытнікаў. Больш інфармацыі не даюць, каб не нашкодзіць следству

Паводле інфармацыі Hrodna.life у канцы ліпеня ці пачатку жніўня ў пункце пропуску “Брузгі” на беларуска-польскай мяжы па падазрэнні ў атрыманнні хабараў і злоўжыванні службовымі паўнамоцтвамі затрымалі змену мытнікаў, што працавалі пры афармленні грузавых аўтамабіляў.

Паводле нашых крыніц, сярод затрыманых ёсць і былыя супрацоўнікі мытні: іх затрымалі на наступны дзень.

Сваякі затрыманых, з якімі нам удалося звязацца, расказалі, што затрыманні праводзілі мінскія сілавікі, імаверна КДБ. Са словаў сваякоў, затрыманыя ўжо супрацоўнічаюць са следствам і даюць прызнальныя паказанні.

Як удакладняе Sputnik.by, былі затрыманыя некалькі службовых асобаў аднаго з аддзелаў Гродзенскай рэгіянальнай мытні. Гэта адбылося ў канцы ліпеня 2018 года, распавялі ў Гродзенскай рэгіянальнай мытні. Пры гэтым гаворка не ідзе пра затрыманне цэлай змены.

Іншая інфармацыя пакуль не выдаецца ў інтарэсах следства.

comments powered by HyperComments
Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся [email protected]

Раім пачытаць

Каментары

Spelling error report

The following text will be sent to our editors: