Дадаць навіну
Серада, 17 кастрычніка 2018, 16:07

«За адзеннем, як за піражкамі». На адкрыццё сэканд-хэнд ў Гродне чаргу займалі з вечара

Адкрыццё самага буйнага сэканд-хэнда ў горадзе 10 жніўня выклікала ажыятаж у гродзенцаў. Чаргу ля ўваходу ў краму людзі сталі займаць яшчэ з вечара, а да адкрыцця набралася больш за 200 чалавек.

Прыцягнула гродзенцаў крама на вуліцы Паўднёвай не толькі сваімі маштабамі, але і акцыямі. Першай сотні кліентаў давалі падарункі, а таксама ля ўваходу ў краму працаваў бясплатны фудкорт.

Кірыл і яго сябры прыйшлі да сэканд-хэнда першымі. Маладыя хлопцы хацелі набыць у першую чаргу брэндавае адзенне.

«Так, мы ганяемся за шмоткамі і брэндамі, таму прыходзім сюды першымі. Былі каля крамы дзесьці ў 20:00, а ўжо да ночы сталі падцягвацца і іншыя людзі», – кажа Кірыл.

Да 23:00 ля сэканд-хэнда стаяла чарга каля 20 чалавек. У асноўным гэта моладзь. Раніцай да новай крамы прыйшлі і старэйшыя гродзенцы.

«Вы думаеце мы ад добрага жыцця тут стаім? Нам сорамна, што мы вымушаныя купляць вопратку ў такіх крамах. Вось да чаго дакаціўся беларускі народ», – сказала перад адкрыццём адна з пенсіянерак.

Адчынілі дзверы ў буйны сэканд-хэнд ў 9 раніцы і людзі паваліліся туды натоўпам.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: