Сустрэча з актывістам Антонам Матолькам ды прадстаўнікамі сайта petitions.by адбудзецца ў мікрараёне Ласосна-4 ўвечары 9 жніўня. Жыхары раёна раскажуць пра праблемы і падрыхтуюць петыцыі, каб паскорыць іх вырашэнне.
У Ласосна-4 праблема з дарогай і транзітным рухам. «Там грунтовая дарога праз лес, раўняецца перыядычна грэйдарам. Пешаходных дарог асабліва няма. І дачнікі ездзяць транзітам, некаторыя вельмі хутка ездзяць. А часам вайскоўцы з часткі непадалек ганяюць тэхніку вайсковую. Карацей, дарога небяспечная, асабліва для дзяцей», — кажуць мясцовыя.
Змяніць свет не ўстаючы з канапы: 5 правіл Антона Матолькі
Сустрэча пройдзе ў межах паездкі petitions.by па рэгіёнах для дапамогі ў вырашэнні мясцовых праблем.
