Футбалісты «Нёмана» працягваюць дрэнна гуляць. У суботу 28 ліпеня падапечныя Ігара Кавалевіча ў Бабрускага прайгралі ў 1/16 Кубка Беларусі мясцовай «Белшыне» і вылецелі з розыгрышу.
«Нёман» апошні раз прайграваў на стадыі 1/16 фінала ў далёкім 1995 годзе.
Белшына (Д2) — Нёман — 3: 1
Галы: 1: 0 — Гомза (26). 2: 0 — Сідарэнка (60). 2: 1 — Мукам (69, з пенальці). 3: 1 — Галенка (84).
Акрамя вылету з Кубка Беларусі справы ў гродзенскай каманды ідуць дрэнна і ў нацыянальным чэмпіянаце. Чорная паласа ў жоўта-зялёных пачалася яшчэ ў канцы чэрвеня, калі гродзенцы на сваім полі ўмудрыліся ў канцоўцы матчу прапусціць два галы і згуляць унічыю з «Мінскам» 2:2. Пасля сталічнай каманды быў няўдалы выезд у Брэст, дзе «Нёман» прайграў гаспадарам з лікам 1:0. Праз тыдзень каманда Ігара Кавалевіча пацярпела буйную паразу ў Віцебску 5:1, а 20 ліпеня «Нёман» быў прыніжаны на родным стадыёне камандай са Слуцка.
Чарговы матч у чэмпіянаце «Нёман» правядзе пасля перапынку — ён пройдзе ў Магілёве 17 жніўня. Галоўнаму трэнеру каманды Ігару Кавалевічу ёсць над чым падумаць.
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…
У былым палацава-паркавым комплексе ў Свяцку працягваецца рэстаўрацыя. Будынка прыстасоўваюць пад шматфункцыянальны комплекс «Свяцк». "Гроднажылбуд"…
Пасуткава арэнда кватэры на тры дні з 1 па 4 траўня ў Гродне можа абыйсціся…
Са Слоніма ў Варшаву і Беласток запусцілі аўтобусныя рэйсы. Праўда, толькі па няцотных днях. Аўтобус…
Былыя яслі на Васілька, 5, дзе раней хацелі адкрыць сацыяльны цэнтр, перабудуюць пад шматкватэрны малапавярховы…
Вадалазы абследуюць месцы для купання ў Гродне і ачысцяць іх ад смецця і старонніх прадметаў.…