Дзе пабудуюць вышынныя дамы ў 19 паверхаў, а дзе стануць дамы прыватнага сектара, калі з’явяцца новыя масты і што будзе з аўтавакзалам — пра тое, якія змены чакаюць аблічча горада, распавялі галоўны архітэктар горада Дзмітрый Вабішчэвіч і начальнік аддзела рэалізацыі генплана упраўлення архітэктуры і горадабудаўніцтва гарвыканкама Вольга Барэйка, піша Вячэрні Гродна. Генплан плануецца вынесці на грамадскае абмеркаванне ў канцы 2018 года.
— Зараз распрацоўваецца новы генплан горада. Папярэдні, 2003 года, шмат у чым страціла сваю актуальнасць: змяніліся межы горада, перададзеныя тэрыторыі былых ваенных гарадкоў, узровень аўтамабілізацыі насельніцтва перавысіў самыя смелыя разлікі - жыццё ўнесла свае карэктывы ў планы і прагнозы. Новы генплан будзе арыентаваны на тое, каб захаваць гістарычны цэнтр, бо ён з’яўляецца гісторыка-культурнай каштоўнасцю Рэспублікі Беларусь першай катэгорыі. У цэлым, генплан захоўвае пераемнасць папярэдняга, але будзе разлічаны на два этапы па пяць гадоў кожны і будзе больш лаяльным да захавання індывідуальнай забудовы, — кажа Зміцер Вабішчэвіч.
Возьмуцца за Грандзічы
У бліжэйшы час горад будзе расці на поўнач. Новы жылы раён Грандзічы пачнуць забудоўваць ў чацвёртым квартале гэтага года. Спачатку ўзвядуць толькі чатыры мікрараёна.
На поўдзень горада, да Альшанкі, будаўнікі вернуцца не раней чым праз пяць гадоў. Зараз тут з 18 запланаваных ўзведзены толькі 4 мікрараёна, завяршаецца забудова Паўднёвага-3. Працягваецца будаўніцтва аб’ектаў сацыяльнай інфраструктуры: будуць дзіцячыя сады, школа, гандлёвыя і культурныя цэнтры, міні-рынак, паліклініка.
Дзе вырастуць шматпавярхоўкі
У бліжэйшай перспектыве пачнуцца работы на тэрыторыі былога ваеннага гарадка на Лідскай вуліцы. Працягнецца будаўніцтва 19-павярховых дамоў. Першыя, у завулку Паповіча, ужо сталі звыклымі ў панараме горада. Цяпер ААТ «Гроднажылбуд» ўзводзіць тры вышынныя дамы на Фолюш і дзве — у мікрараёне Дзевятоўка-4. У перспектыве дома падвышанай паверхавасці з’явяцца на Магістральнай вуліцы і на скрыжаванні вуліц Дзяржынскага і Курчатава (на месцы былой вёскі Дзевятоўка).
Тым часам поўным ходам ідзе будаўніцтва шматпавярховак у Калбасіно. Паралельна ствараецца інфраструктура. У прыватнасці, Гроднажылбуд купіў з аўкцыёну ўчасткі пад крамы.
Прыватнаму сектару быць
Цэлы раён прыватных дамоў з’явіцца за Пагаранамі. Па памеры ён будзе прыкладна такі ж, як існуючы. Гэтая частка нядаўна ўвайшла ў гарадскую рысу.
У Баранавічах пачалі будаваць 7-мы мікрараён. Усяго іх будзе 12. Прыватны сектар разгорнецца на ўскраінах горада — у Альшанцы, Зарыцы, Грандзічах і Пагаранах. Добры прыклад, лічыць архітэктар, гэта Ласосна-4, калі інвестар падводзіць камунікацыі, будуе дарогі і дома, а затым прадае жыллё ў гатовым выглядзе. Але ў такім выпадку квадратны метр будзе каштаваць даражэй. Працягнецца ўшчыльненне існуючай прыватнай забудовы, у тым ліку і ў Калбасіно.
Частка вуліцы Савецкіх Памежнікаў - за універсамам «Кастрычніцкі» і да вуліцы Гогаля — ужо прададзеная інвестару. У перспектыве знос прыватнага сектара закране і процілеглага боку вуліцы Савецкіх Памежнікаў.
— Пасля ўшчыльнення былой вёскі Вішнявец некалькі участкаў выставілі на аўкцыён, але жадаючых там набыць зямлю не знайшлося. Затое ў Фабрычным ўчасткі расхапалі як гарачыя піражкі, — прызнаецца Дзмітрый Вабішчэвіч.
Падоўжаць вуліцы і пабудуюць масты
Праспект Будаўнікоў злучаць з вуліцай Паповіча. Новая дарога плануецца разам з забудовай ўчастка на Вясновай вуліцы. Вуліцу Астроўскага падоўжаць да заапарка, а прылеглыя тэрыторыі забудуюць.
— Праекты прайшлі грамадскія абмеркавання, зараз знаходзяцца на экспертызе, ідуць падрыхтоўчыя працы па падаўжэнні вуліцы Астроўскага, — кажа Вольга Барэйка.
Будаўніцтва аб’язных, вуліц-дублёраў - больш дарагое, але гэта неабходны крок для разгрузкі гістарычнага цэнтра ад транзітных аўтамабільных патокаў.
— Па разліках БелНДІП горадабудаўніцтва, нашаму гораду трэба яшчэ мінімум тры аўтамабільных маста, каб выключыць коркі і стварыць паўнавартасныя транспартныя зносіны паміж берагамі, — кажа Зміцер Вабішчэвіч.
Ужо распрацаваны праект рэканструкцыі чыгуначнага моста пад аўтамабільны ў раёне Вішняўца, які здыме напругу з паўднёвай часткі горада і Альшанкі і стане першым участкам другога аб’язнога кальца вакол горада.
Ва ўпраўленні архітэктуры лічаць, што праблему з транспартам ня вырашыць толькі з дапамогай планавання. Хутчэй неабходна рашэнне ўладаў, напрыклад — стварэнне сеткі платных парковак у гістарычным цэнтры. Хто не захоча плаціць, можа пакідаць аўтамабіль на перахопліваючых паркоўках, дапусцім, на Будзёнага або каля стадыёна «Нёман».
Што будзе з аўтавакзалам
Нядаўна ў горадзе абмяркоўваўся магчымы перанос аўтавакзала да гандлёва-забаўляльнага цэнтру Triniti. Пакуль ніякай яснасці ў гэтым пытанні няма. Па словах Дзмітрыя Вабішчэвіча, хутка на аўтавакзале пачнецца рэканструкцыя. Калі казаць пра аўтавакзал на Вішняўцы, то ён хутчэй стане другім у Гродна, чым заменіць існуючы ў цэнтры.
Замест падземнага пераходу — светлафор
На пешаходным пераходзе на вуліцы Горкага перад кальцом каля Роддома плануюць устанавіць святлафор. Справа ў тым, што падземны пераход зрабіць тут немагчыма, бо пад кольцам знаходзіцца цеплакамеры, ад якой ідуць цеплавыя сеткі.
Што пабудуюць замест скурзавода
На месцы гарбарнага завода на вуліцы Гарнавых арганізуюць часовую паркоўку. У будучыні тут плануюць пабудаваць гандлёва-офісны цэнтр. Для гарбарнага завод на Зярновай, каля Лядовага палаца спорту, інвестара пакуль няма.
Участак на камунальнай вуліцы прададуць на аўкцыёне пад блакаваную забудову (двухпавярховыя хаты з мансардамі на некалькі кватэр з асобным выхадам на ўчастак).
Как быстро отправить смс сразу нескольким пользователям? Для этого существует email-рассылка, узнать о которой подробно можно тут. Удобный сервис моментально сообщит о предстоящих мероприятиях по средствам смс.
