Спадчына

Ігар Лапеха: «Дом Мураўёва можа стаяць на падмурку Сімяонаўскай царквы»

Адкрытыя на працягу некалькіх дзён падвалы дома купца Мураўёва даюць магчымасць гродзенцам вывучыць падземны горад. Краязнаўца Ігар Лапеха пасля знаёмства са старымі падваламі выказаў здагадку, што дом купца Мураўёва стаіць на падмурку Сімяонаўскай царквы, якая была знішчана ў сярэдзіне 17 стагоддзя.

Вядома, што мураваная парафіяльная Сімяонаўская царква была пабудавана ў Гродне пасля атрымання горадам Магдэбургскага права ў канцы XV стагоддзя.

Дзе стаяла царква?

Да нядаўняга часу многія гісторыкі лічылі, што царква знаходзілася на месцы кляштара і касцёла езуітаў - сённяшняга Фарнага касцёла.

«Яшчэ з савецкага часу існуе прапагандысцкая думка, што Сімяонаўская царква стаяла на месцы езуіцкага калегіума. Маўляў, католікі забралі праваслаўную маёмасць. Але ў апошні час усё больш і больш фактаў, што царква стаяла на паўночным баку рынкавай плошчы. На плане 1753 года якраз на паўночным баку ёсць дзве квадратныя пабудовы, якія маюць каменны характар.

[irp posts="74 143″ name="Глядзіце, як выглядаюць старыя падвалы дома купца Мураўёва ў Гродне"]

Краязнаўца лічыць, што адна з гэтых пабудоў знаходзіцца на месцы дома купца Мураўёва.

«Калі мы спусціліся ў падвалы, то ўбачылі, што ў аснове гэтага будынка ёсць больш ранні падмурак і вонкавыя сценкі прыкладна 10 на 10 метраў, якія акурат пазначаны на схеме сярэдзіны 18 стагоддзя. Гэта ўсё дае магчымасць лічыць, што дом купца Мураўёва стаіць на рэштках Сімяонаўскай царквы 16 стагоддзя. Храмы ў той час вельмі часта будаваліся ў форме ратонды».

Лічыцца, што дом купца Мураўёва быў пабудаваны ў канцы 19 стагоддзя ў стылі мадэрн. У розны час у будынку знаходзілася Гродзенскае аддзяленне Беластоцкага камерцыйнага банка і крама мануфактурных тавараў, пазней бібліятэка. Апошняя арганізацыя прабыла там да пачатку 1990-х гадоў. Пасля гэтага будынак доўгі час ніяк не выкарыстоўваецца, хоць і былі спробы вярнуць пабудове былую веліч.
Да нашых дзён пра Сімяонаўскую царкву дайшло вельмі мала інфармацыі. Вядома, што храм быў разбураны ў сярэдзіне 17 стагоддзя.

«Адназначна, пасля таго як царква перастала функцыянаваць, будынак неяк выкарыстоўваўся, тым больш там такія падвалы. Такое проста так не прападае».

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025