Асноўная мэта рэканструкцыі - трохразовае павелічэнне прапускной здольнасці да 6 тыс. транспартных сродкаў у суткі (3,5 тыс. легкавых, 2,4 тыс. грузавых, 100 аўтобусаў). Пра гэта паведаміў старшыня Дзяржаўнага мытнага камітэта Юрый Сянько на пасяджэнні грамадска-кансультатыўнага савета пры ДМК.
У пункце пропуску ўпершыню будзе прадугледжана рэверсіўная канальная сістэма для афармлення транспартных сродкаў з 32 каналаў - па 16 у кожным кірунку. У залежнасці ад колькасці транспартных сродкаў на ўезд або выезд з краіны, лік каналаў можна будзе змяняць па напрамках руху. «Быў стары праект, і мы яго перапрацавалі з улікам сённяшніх рэалій. Гэтая сістэма дазволіць зрабіць працу пункта пропуску больш зручнай», — адзначыў старшыня ДМК.
Значна паскорыць правядзенне мытнага кантролю дазволіць ўстаноўка стацыянарнага інспекцыйна-надгляднага комплексу замест наяўнага зараз мабільнага. Акрамя таго, на тэрыторыі рэспубліканскага пункта мытнага афармлення будзе ўкаранёна тэхналогія аўтаматызаванага электроннага размеркавання аўтамабіляў па месцах стаянкі.
Падчас рэканструкцыі «Каменнага Лога» нагрузка і транспартныя патокі будуць пераразмеркаваны на іншыя пункты пропуску, размешчаныя на беларуска-літоўскай мяжы. «Цяпер мы вядзем актыўныя перамовы з памежнай службай нашай краіны, мытнікамі і памежнікамі сумежных краін для прыняцця ўсіх неабходных рашэнняў, каб на час рэканструкцыі пункта пропуску планава перавесці ўсе патокі на тыя ўчасткі, дзе мы можам забяспечыць афармленне транспартных сродкаў», — дадаў Юрый Сянько.
Работы па рэканструкцыі пункта пропуску «Каменны Лог» плануецца ажыццявіць за кошт пазыковых сродкаў Еўрапейскага інвестыцыйнага банка.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…