Гродзенскі мабільны дадатак BringMeGift увайшоў у чацвёрку праектаў з Беларусі, якія абралі для чарговага набору ў праграму расійска-амерыканскага акселератара Starta. Стваральнікі стартапаў адправяцца ў Нью-Ёрк на стажыроўку.
Усяго арганізатары стажыроўкі адабралі 23 стартапы з Еўропы, у тым ліку чатыры з Беларусі.
«Гэта і гонар і прызнанне, што наш праект актуальны і цікавы шырокаму колу людзей, — распавёў Hrodna.life адзін са стваральнікаў BringMeGift Віктар Семяняка. — Гэта магчымасць атрымаць веды ад ментараў, пазнаёміцца з інвестарамі і прапанаваць свой праект. А таксама гэта магчымасць выйсці з прадуктам на рынак высокіх тэхналогій ЗША, дзе ўсё развіваецца імгненна. Там можна атрымаць новых кліентаў, пашырыць межы выкарыстання дадатку».
Віктар распавядае, што ўвесь вольны час ён з жонкай зараз выдаткуе на зносіны з патэнцыяльнымі карыстальнікамі праграмы, правярае актуальнасць ідэі прыкладання.
«Мы спрасцілі праект, дадалі экраны, якія многае тлумачаць. Таксама стараемся сабраць як мага больш водгукаў і пажаданняў, каб зрабіць дадатак цікавым і карысным».
BringMeGift — гэта дадатак, які дазволіць звычайным людзям і розным кампаніям абменьвацца паслугамі і зарабляць на гэтым. Кожны турыст зможа знайсці, а мясцовы прапанаваць паслугі: арэнда жылля, арэнда аўто, паслугі гіда і трансфер, харчаванне і забавы.
Дадатак аб’яднаў у сабе сэрвісы накшталт booking.com, airbnb, foodsharing, couchsurfing ды іншыя. Галоўнае адрозненне — усё праходзіць без схаваных плацяжоў, усе дамаўляюцца без пасярэднікаў. Такі сэрвіс будзе зручны для тых, хто аказвае паслугі: чалавек бачыць хто, адкуль і калі прыязджае ў той ці іншы горад і што ён шукае — застаецца толькі гэта яму прапанаваць. З дапамогай дадатка чалавек сам можа прасоўваць свае паслугі і для гэтага не трэба плаціць за рэкламу, а таксама шукаць мэтавую аўдыторыю.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…